[᭗᭙ 79B]
᭗᭙
ᬗ᭄ᬳᬳᬤᭀᬄᬢᬦ᭄ᬧᬭᭀᬯᬂ᭞ᬩᬬᬤᬸᬄᬓᬓᬧᬗ᭄ᬕᬶᬄ᭞ᬲᬶᬧᬸᬗ᭄ᬕᬸᬂᬳᬦᬾᬂᬭᬵᬢ᭄᭞ᬍᬯᬶᬄᬳᬕᬸᬂᬲᬗ᭄ᬰᬭᬦ᭄ᬬ᭞ᬲᬗ᭄ᬓᬦ᭄ᬬᬲᬶᬧ᭄ᬭᬚ᭄ᬜᬦᬼᬯᬶᬄ᭞ᬗᬶᬦ
ᬓ᭄ᬭᬶᬂᬢᬢ᭄ᬯᬵ᭞ᬲᬶᬭᬯᬶᬰᬾᬱᬚᬢᬶ᭟ᬲᬶᬧᬸᬗ᭄ᬕᬸᬂᬫᬦᬄᬦ᭄ᬬᬧ᭄ᬭᬶᬳᬢᬶᬦ᭄ᬢᬦ᭄ᬲᬄ᭞ᬓᬵᬮᬰᬢ᭄ᬭᬸᬧᬶᬦᬗ᭄ᬕᬶᬄ᭞ᬧᬲᬄᬭᬶᬂᬓᬓᬲᬶᬳᬦ᭄᭞ᬳᬮᬤᬾᬦᬵᬗ᭄ᬓᬭᬦ᭄ᬬ᭞ᬦᭀ
ᬭᬮ᭄ᬬᬦ᭄ᬧᬸᬗ᭄ᬕᬸᬗᬾᬚᬢᬶ᭞ᬫᬓᬓ᭄ᬭᬡᬦ᭄ᬬᬵ᭞ᬤᬸᬄᬓᬦᬾᬲᬢᬢᬫᬮᬶᬦ᭄ᬤᬶᬄ᭟ᬧᬸᬄᬧᬗ᭄ᬓᬸᬃ᭟ᬓᬯᬶᬗ᭄ᬓᬶᬂᬳᬬ᭄ᬯᬫᬗ᭄ᬕᬮᬵ᭞ᬫᬦᬳᬾᬧᬸᬗ᭄ᬕᬸᬂᬕᭂᬫ᭄ᬧᬸᬃᬍᬩᬸᬃᬪᬱ᭄ᬫᬶ᭞ᬓᬤ᭄ᬬᬂᬧ
ᬡ᭄ᬥᬾᬫᬵᬲ᭄ᬧᬸᬦᬶᬓᬸ᭞ᬳ᭄ᬬᬗᬼᬩᬸᬃᬳ᭄ᬫᬵᬲ᭄ᬧᬾᬭᬓ᭄᭞ᬬᬦᬶᬂᬳᬫ᭄ᬧᬄᬯ᭄ᬬᬓ᭄ᬢᬶᬲ᭄ᬯᬾᬫᬧᬸᬦ᭄ᬧᬸᬦ᭄ᬧ᭄ᬭ᭞ᬬᬦᬶᬂᬢᬗᬃᬧ᭄ᬬᬭᬬᬢ᭄ᬦ᭞ᬲᬶᬦᬄᬕ᭄ᬮᬶᬲ᭄ᬳᭂᬫᬵᬲᬾᬩᬺᬲᬶᬄ᭟ᬫᬗ᭄ᬓ
[᭘᭐ 80A]
ᬦᬳᬸᬭᬶᬧ᭄ᬧᬸᬦᬶᬓᬵ᭞ᬬᬦᬶᬂᬓᬶᬦᬓ᭄ᬱᬶᬫᬗ᭄ᬥᬲᬸᬘᬶᬩᬺᬲᬶᬄ᭞ᬫᬮᬦᬶᬂᬲ᭄ᬫᬭᬦᬾᬍᬩᬸᬃ᭞ᬲ᭄ᬯᬾᬩᬺᬲᬶᬄᬬᬦᬶᬂᬳᬫ᭄ᬧᬄ᭞ᬮᬫᬸᬦ᭄ᬧᬲᬚᬵ᭞ᬩᬺᬲᬲᬶᬄᬜᬦᬾ
ᬲᬶᬦᬄᬳᬾᬗ᭄ᬕᬮ᭄᭞ᬮᬫᬸᬦ᭄ᬢᬶᬮᬶᬂᬲᬶᬤ᭄ᬥᬵᬚᬢᬶ᭟ᬓᬤᬶᬳᬤ᭄ᬬᬸᬲ᭄ᬬᬦᬸᬧᬫᬵ᭞ᬬᬦᬓ᭄ᬤᬶᬓ᭄ᬤᬓᬶᬦ᭄ᬜᬦᬾᬲᬚᬕ᭄ᬮᬶᬲ᭄᭞ᬗᭂᬩᭂᬕᬂᬦᭀᬭᬢᬸᬬᬸᬄ᭞ᬬ
ᬦ᭄ᬤᬓᬶᬦᬾᬤᬸᬕᬮᬦ᭄᭞ᬬᬢ᭄ᬦᬲ᭄ᬯᬾᬢᬸᬬᬸᬄ᭞ᬗᭂᬩᭂᬕ᭄ᬩᬳᬦ᭄ᬲᬩᬸᬦ᭄᭞ᬓ᭄ᬭᭀᬥᬮᭀᬪᬫᬮᬮ᭄ᬯᬢ᭄᭞ᬬᬤᬶᬦ᭄ᬮ᭄ᬯᬢ᭄ᬧᬓᬺᬗᬶᬦ᭄᭟ᬲᬩᬸᬦ᭄ᬧ
ᬗᬶᬮᬗᬦ᭄ᬓ᭄ᬭᭀᬥ᭞ᬲᬶᬢᬦ᭄ᬋᬗᭃᬦ᭄ᬫ᭄ᬯᬂᬓᬺᬂᬫᬫᬶᬦᭂᬳᬶᬦ᭄᭞ᬲ᭄ᬫᬭᬦᬾᬳᬶᬮᬂᬳᬶᬧᬸᬦ᭄᭞ᬲᬄᬦᬶᬂᬧ᭄ᬭᬧᬜ᭄ᬘᬚ᭄ᬜᬦ᭞ᬮᭀᬪᬫᭀᬳᬲ
