[᭗᭗ 77B]
᭗᭗
ᬓ᭄ᬭᬫᬦ᭄ᬬᬲᬫᬶ᭟ᬤᬸᬄᬓᬦᬶᬂᬳᬦᬓᬾᬫᬜ᭄ᬚᬤ᭄ᬫᬧᬸᬦᬶᬓᬵ᭞ᬲᬓᬾᬂᬰ᭄ᬯᬃᬕ᭄ᬕᬗᭂᬢᬸᬢ᭄ᬩᬸᬭᬶ᭞ᬢᬦ᭄ᬤᬤᬶᬮᬾᬫ᭄ᬧᬲᬂ᭞ᬗᬺᬲ᭄ᬋᬲᬶᬦ᭄ᬓᬮᬶᬯᬢ᭄᭞ᬲᬗ᭄ᬓᬦ᭄ᬬᬫᬫᬶ
ᬢᬦᬶᬗᬶᬦ᭄᭞ᬭᬶᬂᬰ᭄ᬯᬃᬕ᭄ᬕᬧᬥ᭞ᬫᬲᬶᬄᬤᬸᬄᬓᬧ᭄ᬭᬶᬳᬢᬶᬦ᭄᭟ᬭᬶᬂᬰ᭄ᬯᬃᬕ᭄ᬕᬮᭀᬓᬗᬭᬦ᭄ᬓ᭄ᬭᬫᬦ᭄ᬬᬤᬸᬄᬓᬵ᭞ᬭᬶᬂᬦ᭄ᬭᬓᬫᬮᬶᬄᬳᬾᬓᬶ᭞ᬲᬮ᭄ᬯᬶᬃᬤᬸᬄᬓᬦᬾ
ᬮᬶᬦ᭄ᬢᬂ᭞ᬬᬫᬓᬶᬗ᭄ᬓᬭᬦᬾᬦᬡ᭄ᬥ᭞ᬦᬸᬫᬤᬶᬲᬢᭀᬦᬶᬱ᭄ᬝᬢ᭄ᬯᬶ᭞ᬲᬫ᭄ᬧᬶᬮᬦ᭄ᬫᬘᬦ᭄᭞ᬲᬮ᭄ᬯᬶᬃᬫᬕᬳᬗᬾᬫᬮᬶᬄ᭟ᬮᬗ᭄ᬓᬸᬂᬲᬗ᭄ᬰᬭᬤᬾᬦ᭄ᬬᬳᬫᬄᬢᬶᬫ᭄ᬧ
ᬮ᭄᭞ᬭᬶᬂᬧᬶᬢ᭄ᬭᬮᭀᬓᬳᬸᬗ᭄ᬲᬶ᭞ᬲᭂᬩᭂᬢ᭄ᬜᬦᬾᬩ᭄ᬤᬓ᭄ᬮᬬᬄ᭞ᬦᬸᬫᬤᬶᬚᬦ᭄ᬫᬦᬶᬱ᭄ᬝ᭞ᬲ᭄ᬩᭂᬢᬾᬫᬕᬦ᭄ᬢᬶᬕᬦ᭄ᬢᬶ᭞ᬓᬾᬢᭀᬳᬶᬲᬶᬜ᭞ᬋᬲᭂᬧ᭄ᬋ
[᭗᭘ 78A]
ᬲᭂᬧᬂᬤᬶᬳᬢᬶ᭟ᬢᬶᬗ᭄ᬓᬳᬶᬂᬤᬤᬶᬯ᭄ᬯᬂᬧᬗ᭄ᬮᬭᬦᬶᬂᬤᬸᬄᬓ᭞ᬲ᭄ᬥᭂᬂᬫ᭄ᬦᭂᬳᬶᬸᬗᬄᬲᬗ᭄ᬳ᭄ᬬᬂᬅᬭᬶ᭞ᬫᬯ᭄ᬢᬸᬩ᭄ᬤᬓ᭄ᬮᬬᬄ᭞ᬲᬲᬵᬫ᭄ᬧᬸᬦᬾᬳᬫᬗᬦ᭄᭞ᬲ᭄ᬫᬭᬦᬾᬫᬜ
ᬓᬶᬢᬶᬦ᭄᭞ᬲᬸᬭᬸᬧ᭄ᬳ᭄ᬬᬂᬅᬃᬓ᭄ᬓᬵ᭞ᬫᬢᬦᬾᬫᬯ᭄ᬢᬸᬳᬭᬶᬧ᭄᭞ᬫᬗ᭄ᬓᬦᬧ᭄ᬯᬓ᭄ᬭᬫᬦᬶᬓᬦᬂᬲᬗ᭄ᬰᬭ᭞ᬢᬶᬫ᭄ᬩᬂᬳᬦᬾᬚᬮᬦᬶᬦ᭄᭞ᬳ᭄ᬤᬜᬗ᭄ᬰᬭᬾᬦᬯᬓ᭄᭞
ᬳᬧᬦᬯᬓᬾᬯᬦ᭄ᬢᬄ᭞ᬓᬥᬂᬳᬯᬓᬾᬚᬸᬕᬵ᭞ᬤᬤᬶᬫᬸᬲᬸᬄᬳᬯᬓᬾᬢ᭄ᬯᬶ᭟ᬬᬦᬶᬂᬢᬺᬱ᭄ᬡᬳᬲᬶᬄᬳᬯᬓᬾᬬᬫᬵᬯᬓ᭄᭞ᬓᬫᭀᬓ᭄ᬱᬦᬾᬬᬵ
ᬳᬸᬗ᭄ᬲᬶ᭞ᬳᬯᬓᬾᬤᬤ᭄ᬬᬓᬥᬂ᭞ᬬᬦᬶᬂᬦᭀᬭᬵᬲᬶᬄᬢᬺᬱ᭄ᬡ᭞ᬳᬯᬓᬾᬫᬳᬯᬓ᭄ᬲᭂᬗᬶᬢ᭄᭞ᬢᬦ᭄ᬚᬗ᭄ᬓᬗᬮᬸᬫ᭄ᬩᬃ᭞ᬳᭂᬦ᭄ᬢᭀᬫᬸᬲᬸᬄᬳᬯᬓᬾᬚᬢᬶ᭟
