[᭓᭑ 31B]
᭓᭑
ᬥᬸᬯᬶᬭᬵ᭞ᬲᬸᬃᬬ᭄ᬬᬓᬾᬭᬫᬾᬫᬮᬶᬮᬶᬢ᭄᭟ᬫᬩᭂᬭᬶᬢ᭄ᬫᭂᬗᬧᬓ᭄ᬳᬧᬓ᭄᭞ᬳᬤᭂᬜᬗ᭄ᬭᬾᬂᬓᬤᬶᬓᬶᬮᬧ᭄ᬜᬵᬦ᭄ᬤᭂᬭᬶᬦ᭄᭞ᬭᬶᬂᬩᬸᬚᬸᬓᬲᭀᬭᬦ᭄ᬧᬕᬸᬢ᭄᭞ᬓᬮᬶᬮᬶᬄᬲᬂ
ᬬᬥᬸᬪᬵᬮ᭞ᬤᬶᬢᬸᬲᬂᬲᬢ᭄ᬬᬓᬶᬫᬭᬫᬗᬫᬹᬓ᭄᭞ᬫᬦ᭄ᬤᭂᬲᭂᬓ᭄ᬱᬋᬂᬲᬂᬲᬵᬫ᭄ᬩ᭞ᬮ᭄ᬬᬦ᭄ᬲᬂᬲᬭᬡᬫᬮᬶᬄ᭟ᬫᬩᬮᬶᬓ᭄ᬲᬂᬬᬥᬸᬪᬵᬮ᭞ᬫᬮᬶᬄᬗᬦᬹᬓ᭄ᬫᭂᬫᬦᬄ
ᬫᬗᬸᬚᬦᬶᬦ᭄᭞ᬫᬜᭂᬧᭂᬕ᭄ᬫᬵᬦᬸᬫ᭄ᬩᬵᬓ᭄ᬕᬸᬧᬸᬄ᭞ᬩᬸᬯᬶᬦ᭄ᬤᬤᬶᬧᬸᬭᬸᬰᬵ᭞ᬫᬗᭂᬫᬢ᭄ᬧᬂᬫᬦᬸᬚᬄᬫᬦ᭄ᬯᭂᬓ᭄ᬤᬶᬢᬸ᭞ᬮᬾᬦ᭄ᬦᬾᬳᬤᭂᬫᬮᬸᬯᬭᬦ᭄᭞ᬍᬲᬸᬬᭂᬧᬲ᭄ᬮᬾᬂᬢᬶᬕ᭄ᬢᬶᬕ᭄᭟
ᬧᬗᬋᬧᬾᬩ᭄ᬯᬶᬦ᭄ᬫᬵᬥᬸᬓᬦ᭄᭞ᬫᬓᬋᬫ᭄ᬧ᭄ᬬᬂᬤᬤᬧ᭄ᬜᬵᬦᬾᬫᬫᬸᬜᬶ᭞ᬓᬾᬢᭀᬢᬶᬗ᭄ᬓᬄᬜᬦᬾᬤᬶᬢᬸ᭞ᬢᬸᬫᬸᬢ᭄ᬫᬵᬓᬸᬭᬾᬬᬓᬦ᭄᭞ᬤᭂᬓ᭄ᬤᭂᬓ᭄ᬳᬶᬭᬓ᭄ᬱᬲᬓ
[᭓᭒ 32A]
ᬢᬢᭀᬦ᭄ᬩᬵᬦ᭄ᬭᬸ᭞ᬲᬂᬲᬵᬫ᭄ᬩᬗᭂᬜ᭄ᬘᬸᬂᬫ᭄ᬫᬵᬜᬓᬻ᭞ᬲᬂᬲᬢ᭄ᬬᬓᬶᬫᭂᬜᬋᬗᬶᬦ᭄᭟ᬳᬶᬦᬵᬫᬹᬓ᭄ᬤᬾᬦᬶᬂᬲᬂᬓᬺᬱ᭄ᬡᬵ᭞ᬫᬗᬸᬚᬦᬶᬦ᭄ᬧᬦᬄᬮᬦ᭄ᬚᭂᬫ᭄ᬧᬭᬶᬂ᭞ᬢᬸᬗ᭄ᬕᬮᬾᬧᬚᭂ᭠
ᬫ᭄ᬧᬂᬤᬶᬢᬸ᭞ᬯᬢᭂᬓ᭄ᬬᬥᬸᬳᬶᬭᬓ᭄ᬱᬲᬵ᭞ᬬᬦ᭄ᬳᬸᬧᬫᬶᬜᬲᬶᬗᬭᭀᬤᬺᬧᬥᬦ᭄ᬳᬶᬧᬸᬦ᭄᭞ᬮᬶᬮᬶᬄᬳᬶᬪᬵᬮᬭᬓ᭄ᬱᬲᬵ᭞ᬫᬮᬶᬄᬯᬾᬦ᭄ᬢᭂᬦ᭄ᬧ᭄ᬭᬚᬸᬭᬶᬢ᭄᭟ᬫᬰᬶᬄᬬᭂᬯᬗ᭄ᬰ
ᬓᬤᬾᬢ᭄ᬬᬦ᭄᭞ᬓᬺᬂᬦᬗ᭄ᬕᬮ᭄ᬧᬲᬮᬾᬂᬢᬶᬕ᭄ᬢᬶᬕᬶᬦ᭄ᬫᬵᬗ᭄ᬓᬶᬦ᭄᭞ᬲᬯᬢᭂᬓ᭄ᬤᬾᬢ᭄ᬬᬦᬾᬤᬶᬢᬸ᭞ᬫᬗᬫᬹᬓ᭄ᬫᬵᬧᬸᬮᬶᬳᬂ᭞ᬭᬯᬶᬂᬪᬵᬮᬦ᭄ᬬᬫᬋᬗᬶᬦ᭄ᬳᬶᬧᬸᬦ᭄ᬗᬵᬫᬹᬓ᭄᭞ᬕᬚᬄ
ᬓᬸᬤᬦᬾᬲᬶᬬᬸᬯᬦ᭄᭞ᬢ᭄ᬓᬵᬫᬦᬸᬯᬸᬓ᭄ᬫᬵᬜᬓᬶᬢᬶᬦ᭄᭟ᬮᬾᬦ᭄ᬫᭂᬜᬩᬢ᭄ᬩᬦ᭄ᬧᬸᬗ᭄ᬕᬵᬮᬦ᭄᭞ᬯᬾᬦ᭄ᬢᭂᬦ᭄ᬫᬵᬦᬶᬕ᭄ᬢᬶᬕ᭄ᬩᬳᬦ᭄ᬓᬵᬬᬸᬘᬸᬭᬶᬂ᭞ᬓᬤᬶᬕᬸᬦᬸᬗᬾᬗᬭᬸᬤᬸᬕ᭄
Kaca:Bali-lontar-gaguritan-boma-300ppi.pdf/32
Kaca puniki sampun kauji-wacén
