[᭓᭐ 30B]
᭓᭐
ᬘᬶᬓ᭄ᬳᬶᬧᬸᬦ᭄᭞ᬮᬮᬾᬬᬦᬾᬓᬤ᭄ᬩᬸᬝᬵ᭞ᬲᬯᬂᬩᬸᬓᬶᬢ᭄ᬜᬵᬍᬩᬢ᭄ᬫᬵᬜᬢᭂᬧ᭄ᬮᬸᬮᬸᬂ᭞ᬲᬵᬫ᭄ᬧᬸᬦ᭄ᬫᬭᬵᬯᬸᬄᬤᬶᬦᬕᬭᬵ᭞ᬲᬂᬯᬢᭂᬓ᭄ᬬᬥᬸᬦᬾᬲᬵᬫᬶ᭟ᬪᬵᬮᬦᬾᬗᭂᬩᭂᬓᬶ
ᬦ᭄ᬧᬲᬃ᭞ᬲᬯᬂᬗᬸᬦ᭄ᬢᬸᬃᬗᬃᬬ᭄ᬬᬦᬂᬧᬗᬺᬱ᭄ᬲᬯ᭄ᬬᬓ᭄ᬢᬶ᭞ᬭᬶᬂᬢᭂᬕᬮ᭄ᬲᬸᬭᬓᬾᬫ᭄ᬩᬵᬭᬸᬂ᭞ᬫᬗᭂᬚᭂᬭᬂᬕᬸᬦᬸᬂᬳᬮᬲ᭄᭞ᬧᬓᬋᬧ᭄ᬯᬓ᭄ᬩᬢᬸᬦᬾᬓᭂᬢᭂᬲ᭄ᬗᬸᬯᬦ᭄ᬢᬸᬓ᭄᭞ᬕᬚᬄᬓᬸᬤ᭠
ᬦᬾᬢᬦ᭄ᬧᭂᬕᬢ᭄᭞ᬦᬭᬸᬯᬓ᭄ᬭᬣᬗᬮᬶᬮᬶᬕ᭄᭟ᬢᬦ᭄ᬫᬵᬋᬦ᭄ᬬᭂᬫᬗᬶᬢᭂᬃ᭞᭠ᬧᭂᬢᭂᬂᬤᭂᬤᭂᬢ᭄ᬩᬸᬓᬫᬗᬺᬲᬂᬳᬢᬶ᭞ᬯᬢᭂᬓ᭄ᬓᬺᬱ᭄ᬡᬦᬾᬧᬥᬳᬸᬫᬸᬂ᭞ᬪᬵᬮᬥᬾ
ᬢ᭄ᬬᬦᬾᬲᬶᬦᬵᬫ᭄ᬬᬦ᭄᭞ᬤᬳᬢ᭄ᬧ᭄ᬭᬬᬢ᭄ᬦᬵᬫᬶᬚᬶᬮ᭄ᬲᬓᬶᬂᬤᬾᬰᬲᬵᬫ᭄ᬧᬸᬦ᭄᭞ᬫᬦᬶᬫ᭄ᬩᬮ᭄ᬬᭂᬫᬲᬸᬃᬬ᭄ᬬᬓ᭄᭞ᬲᬺᬕᭂᬧ᭄ᬲᬜ᭄ᬚᬵᬢᬦ᭄ᬬᬯᬶᬚᬶᬮ᭄᭟ᬧᬫᬃᬕ᭄ᬕᬶᬦ᭄ᬕᬵᬚᬄ᭠
[᭓᭑ 31A]
ᬫ᭄ᬯᬂᬭᬣ᭞ᬤᬳᬢ᭄ᬳᬓ᭄ᬯᬾᬄᬫᬳᬸᬦ᭄ᬤᭂᬳᬸᬦ᭄ᬤᭂᬯᬶᬚᬶᬮ᭄᭞ᬲᭀᬭᭀᬄᬯᬢᭂᬓᬶᬂ᭠ᬧ᭄ᬭᬂᬳᬶᬓᬸ᭞ᬢᬸᬗ᭄ᬕᬸᬮᬾᬧᬓᬭᬩ᭄ᬯᬓ᭄᭞ᬧ᭄ᬢᭂᬂᬤᭂᬤᭂᬢ᭄ᬓᭂᬤᬾᬧᬦ᭄ᬓᬸᬮᬫ᭄ᬩᬶᬦᬾᬫᬸᬭᬸᬩ᭄᭞
ᬕᬶᬧᬶᬄᬫᬢᬓᬸᬄᬕᭂᬮᬃ᭞ᬧᬋᬗᭂᬦ᭄ᬭᬣᬧᬤᬢᬶ᭟ᬕᬚᬄᬕᭂᬤᬾᬲᬯᬂᬳᭀᬫ᭄ᬩᬓ᭄᭞ᬫᬗᬲᬄᬪᬵᬮᬦᬾᬫᭂᬓᬤᬶᬧᬰᬶᬄ᭞ᬚᬭᬦᬾᬫᬗᬭᭀᬂᬮᬶᬬᬸ᭞ᬫᭂ
ᬲᬯᬂᬮᭀᬫ᭄ᬩᬮᭀᬫ᭄ᬩ᭞ᬤᬤ᭄ᬬᬜᬲᬳᬲᬫᬦ᭄ᬤᭂᬲᭂᬓ᭄ᬫᬸᬲᬸᬄ᭞ᬓᭂᬧᬭᬕ᭄ᬲᬂᬬᬥᬸᬯᬶᬭᬵ᭞ᬧᬲ᭄ᬮᬾᬂᬲᭂᬫ᭄ᬧᬮ᭄ᬬᭂᬫᬚᬸᬭᬶᬢ᭄᭟ᬳᬤᭂᬳ᭄ᬬᬧᬲᬶᬮᬶᬄᬢᬸᬫ᭄ᬩᬓ᭄᭞
ᬲᬮᬾᬂᬧᬸᬗ᭄ᬕᬮ᭄ᬓᬵᬧᬸᬗ᭄ᬕᬮ᭄ᬤᬶᬢᬸᬫᬗ᭄ᬓᬶᬦ᭄᭞ᬩᬗ᭄ᬓᬾᬦᬾᬫᭂᬲᬲᬄᬮᬶᬬᬸ᭞ᬬᬢ᭄ᬦᬦᬾᬗᬕᬯᬧᬦᬄ᭞ᬕ᭄ᬮᬶᬲ᭄ᬫᭂᬫᬦᬄᬫᬗᬸᬚᬦᬶᬦ᭄ᬩᬳᬦ᭄ᬭᬸ᭞ᬭᬶᬂᬲᬂᬯᬢᭂᬓ᭄ᬬ᭠
Kaca:Bali-lontar-gaguritan-boma-300ppi.pdf/31
Kaca puniki sampun kauji-wacén
