[᭓᭒ 32B]
᭓᭒
᭞ᬲᬂᬯᬢᭂᬓ᭄ᬬᬥᬸᬯᬶᬭᬵ᭞ᬳᬳᬺᬤᭂᬳᬦ᭄ᬫᬵᬕᬸᬮᬸᬗᬦ᭄ᬚᬵᬦᬶᬤᬶᬢᬸ᭞ᬧᬢᬶᬓᭂᬮᬶᬦ᭄ᬗᬵᬧᬸᬗ᭄ᬓᬸᬭᬂ᭞ᬮᬶᬗ᭄ᬕᬶᬄᬲᬂᬲᬵᬫ᭄ᬩᬳᬶᬦᭀᬗ᭄ᬲᬶ᭟ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬫᬲᬄᬲᬄ᭞ᬲᬦᬾ
ᬫᬢᬶᬮᬶᬬᬸᬓᬵᬢᭀᬦ᭄ᬫᬵᬮᬶᬄ᭞ᬲᬂᬭᬵᬚᬧᬸᬢᬺᬫᬚᬸᬚᬸᬓ᭄᭞ᬲᬋᬂᬳᬶᬤᬲᬂᬲᬢ᭄ᬬᬓ᭞ᬫᬧᬸᬮᬶᬄᬲᬂᬗᬸᬮ᭄ᬫᬸᬓᬗᭂᬜ᭄ᬘᬸᬃᬩᬦ᭄ᬳᬶᬲᬸ᭞ᬭᬯᬸᬄᬳᬶᬪᬵᬮᬫᬓᭂᬚᬂ᭞ᬦᬶ᭠
ᬲᬂᬱᬭᬡᬩᭂᬭᬦ᭄ᬢᬶ᭟ᬫᬗᬫᬹᬓ᭄ᬳᬚᬓ᭄ᬫᬵᬓᭂᬚᬂ᭞ᬲᬶᬦᬋᬗᬦ᭄ᬦᬶᬩᬓᬂᬧᬦᬄᬰᬓ᭄ᬢᬶ᭞ᬫᭂᬫᬦᬄᬫᬜᬓᬺᬫᬦ᭄ᬥᬸᬓ᭄᭞ᬚᬦᬶᬬᭂᬳᬶᬭᬓ᭄ᬱᬲᬵ᭞ᬲᬶᬂᬓᬮᬾᬩᬂᬳ
ᬦ᭄ᬢᬸᬓ᭄ᬳᬶᬤᬯᬶᬭᬬᬥᬸ᭞ᬢ᭄ᬓᬵᬫᬗᬦᬶᬬᬂᬢᬗ᭄ᬓᬄ᭞ᬮᬾᬦ᭄ᬩᬵᬯᭀᬂᬧᬸᬗ᭄ᬕᬮ᭄ᬗᬸᬮᬶᬦ᭄ᬢᬶᬓ᭄᭟ᬚᬭᬦᬾᬭᬯᬸᬳᬶᬂᬕᬚᬄ᭞ᬢᬦ᭄ᬧᬚᬗ᭄ᬓᭂᬧᬸᬗ᭄ᬕᬵᬯᬦ᭄ᬜᬵᬦᬾᬲ᭄ᬮᬾᬂᬢᬶᬕ᭄ᬢᬶᬕ᭄᭞ᬕᬺᬤᭂ
[᭓᭓ 33A]
ᬕᬦ᭄ᬭᬣᬦᬾᬦᬵᬭᬸᬂ᭞ᬧ᭄ᬭᬚᬸᬭᬶᬢᬾᬫᬗᬋᬧᬂ᭞ᬢᬦ᭄ᬚᬗ᭄ᬓᬵᬬᬦ᭄ᬫᬵᬗᬫᬹᬓ᭄ᬫᬵᬗ᭄ᬭᬸᬰᬓ᭄ᬫᬸᬲᬸᬄ᭞ᬮᬶᬮᬶᬄᬳᬶᬯᬤ᭄ᬯᬤᬦᬸᬚ᭄ᬚᬵ᭞ᬳᬢᭂᬕᬮ᭄ᬦᬾᬦᬾᬗᭂᬫᬵᬲᬶᬦ᭄᭟ᬕ
ᬚᬄᬓᬸᬤᬦᬾᬲᬢᬸᬲᬦ᭄᭞ᬧᬚᬸᬮᬾᬫ᭄ᬧᬂᬳᬢᬧ᭄ᬢᭂᬗᬳᬶᬂᬚᬸᬭᬶᬢ᭄᭞ᬤᬦᬸ᭠ᬚᬰᬓ᭄ᬢᬶᬮᬵᬫ᭄ᬧᬸᬲ᭄᭞ᬲᬢᬸᬲ᭄ᬳᬦᬾᬓᬧᬸᬗ᭄ᬕᬮ᭄᭞ᬭᬶᬂᬮᬗᬶᬢᬾᬲᬶᬦᬓᬺ
ᬓᭂᬧᬦᬄᬤᬶᬢᬸ᭞ᬮᬩᬸᬄᬬᭂᬫᬕ᭄ᬭᬸᬤᬸᬕᬦ᭄᭞ᬩᬗ᭄ᬓᬾᬦᬾᬮᬶᬬᬸᬧᬚᬸᬫ᭄ᬧ᭄ᬭᬶᬢ᭄᭟ᬯᬾᬦ᭄ᬢᭂᬦ᭄ᬫᬵᬤᬦ᭄ᬳᬶᬤᬾᬢ᭄ᬬᬰᬸᬭ᭞ᬤᬸᬭᬢ᭄ᬫᬵᬓᬫᬦ᭄ᬢ᭄ᬭᬶᬢ᭄ᬯᬳᬢᬶᬳᬢᬶ᭞ᬩ᭄ᬭᬗ᭄ᬢᬶ
ᬦ᭄ᬳᬶᬧᬸᬦᬾᬓᬤᬸᬭᬸᬲ᭄᭞ᬭᬶᬂᬳᬶᬤᬲᬂᬓᬺᬱ᭄ᬡᬧᬸᬢ᭄ᬭᬵ᭞ᬭᬯᬶᬧ᭄ᬬᬦᬓ᭄ᬜᬵᬦᬾ᭠ᬫᬧᬸᬮᬶᬄᬫᬗᬫᬹᬓ᭄᭞ᬫᬸᬳᬸᬕ᭄ᬫᬵᬲᬲᬸᬃᬬ᭄ᬬᬓᬦ᭄᭞ᬓ᭄ᬭᬸᬭᬓᬭᬫᬦᬓᬸᬢᬶᬦ᭄
Kaca:Bali-lontar-gaguritan-boma-300ppi.pdf/33
Kaca puniki sampun kauji-wacén
