[ ᭖ 6B]
᭖
ᬧ᭄ᬚᬄ᭟ᬳᬶᬢᬤᬳᬲᬶᬄᬳᭂᬗ᭄ᬓᬓ᭄ᬳᭂᬗ᭄ᬓᬓ᭄᭞ᬧᬮᬶᬂᬳᬶᬧᬸᬦ᭄ᬗᬺᬋᬄᬫᬃᬕ᭄ᬕᬶ᭞ᬢᬶᬫᬶᬭᬢᬶᬍᬫ᭄ᬓᬤᬰ᭞ᬧᬢᬶᬓᭂᬧᬸᬕ᭄ᬮᬫ᭄ᬧᬳᬶᬧᬸᬦ᭄᭞ᬫᬗᬚᬧ᭄᭞ᬲᬶᬤᬧᬗ᭄ᬕᬶᬄᬮᬸᬩᬸᬓᬦ᭄ᬫᬃᬕ᭄ᬕᬦᬾᬕᬦ᭄ᬢᬂ᭟ᬲᬂᬦ
ᬣᬳᬦ᭄ᬤᬾᬬᬂᬢᬶᬢ᭄ᬬᬂ᭞ᬲᬂᬗ᭄ᬬᬂᬯᬶᬱ᭄ᬡᬸᬫᬜ᭄ᬭᭀᬯᬤᬶ᭞ᬲ᭄ᬯᬾᬘᬳᬶᬭᬢᬸᬫᬜᬸᬧᬢ᭄᭞ᬳᬶᬘᬳᬢᬓᬮᬭᬩᬶᬗᬸᬂ᭟ᬓᬤᬶᬳ᭄ᬬᬂᬯᬸᬮᬦ᭄ᬳᬶᬤᬾᬯ᭞ᬫᬜᬸᬦ᭄ᬤᬭᬶᬦ᭄᭞ᬓᬤᬲᬶᬄᬧᬮᬶᬂᬮᬫ᭄ᬧᬄᬜ᭟ᬓᬤᬶᬧᬸ
ᬭᬸᬦ᭄ᬫᬦᬄᬦᬦᬓ᭄᭞ᬫᬗ᭄ᬤᬲᬶᬤ᭄ᬥᬢᬶᬢ᭄ᬬᬂᬳᬸᬭᬶᬧ᭄᭞ᬫᬗ᭄ᬮᬸᬗ᭄ᬲᬸᬃᬧᬸᬢ᭄ᬭᬦ᭄ᬳᬶᬤᬾᬯ᭞ᬳᬤᬶᬳᬬᬸᬭᬤᬾᬦ᭄ᬕᬮᬸᬄ᭞ᬧᬶᬢᬮᭀᬓᬚᬶᬯᬦ᭄ᬢᬶᬢ᭄ᬬᬂ᭞ᬢᬸᬗ᭄ᬕᬸᬦ᭄ᬦᬸᬭᬶᬧ᭄᭞ᬢ᭄ᬯᬭᬲᬶᬤ᭄ᬥᬢᬶᬢ᭄ᬬᬂᬧᬲᬄ᭟ᬲᬶᬤ᭄ᬥᬭᬢᬸᬢᬢ
ᬲ᭄ᬯᬶᬓᬦ᭄᭞ᬲ᭄ᬯᬾᬫᬭᬢᬸᬫᬦᭂᬢᭂᬲᬶᬦ᭄᭞ᬧᬢᬶᬄᬫᬥᬸᬦᬸᬢᬦ᭄ᬦᬦᬓ᭄᭞ᬦ᭄ᬤᬯᭂᬕᬂᬦ᭄ᬤᬶᬓᬳᬶᬦ᭄ᬦᬶᬧᬸᬦ᭄᭞ᬳᬦ᭄ᬢᬸᬓ᭄ᬩᬸᬤᬸᬄᬫᬦᬄᬢᬶᬢ᭄ᬬᬂ᭞ᬢᬸᬳᬸᬚᬢᬶ᭞ᬚᬶᬯᬦ᭄ᬢᬶᬢ᭄ᬬᬂᬭᬢᬸᬗ᭄ᬭᬓ᭄ᬱ᭟ᬧ᭄ᬭᬪᬸᬲᬸᬦ᭄ᬤᬫᬗ
[ ᭗ 7A]
ᬦ᭄ᬤᬶᬓ᭞ᬧᬢᬶᬄᬫᬥᬸᬢᬸᬢᬸᬭᬂᬤᬶᬦᬶ᭞ᬧᬯᬘᬦᬦ᭄ᬲᬶᬭᬦᬦᬓ᭄᭞ᬦᬦᬓ᭄ᬯᬶᬮᬢᬶᬓ᭄ᬢᬧ᭄ᬭᬪᬸ᭞ᬦᬾᬜᬦ᭄ᬤᬂᬧᬘᬂᬢᬶᬗ᭄ᬮᬲᬂ᭞ᬢ᭄ᬓᬫᬳᬶᬳ᭄᭞ᬳᬧᬂᬦᬶᬭᬲᬳᬸᬦᬶᬗ᭄ᬳ᭟ᬳᬶᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬧᬸᬢ᭄ᬭᬦ᭄ᬭᬢᬸᬓᭂᬘᬸᬤ᭄ᬓᬸᬦᬶᬂ᭞ᬳᬸᬮ
ᬗᬸᬦ᭄ᬳᬶᬤᬓᬮᬶᬦ᭄ᬢᬂ᭞ᬭᬶᬂᬧᬸᬢ᭄ᬭᬦ᭄ᬭᬢᬸᬲᬂᬧ᭄ᬭᬪᬸ᭞ᬲ᭄ᬬᬂᬤᬮᬸᬫᬧᬗᭂᬦᬦ᭄᭞ᬳᬶᬩᬸᬓ᭄ᬧᬮᬶᬂ᭞ᬫᬗᬫᬾᬳᬫᬾᬲᬂᬤ᭄ᬬᬄ᭟ᬩ᭄ᬗᭀᬂᬩ᭄ᬗᭀᬂᬧᬭᬭᬕᬦ᭄᭞ᬧᬜ᭄ᬚᬓ᭄ᬳᬚ᭄ᬭᬶᬄᬫᬦᬗ᭄ᬓᬶᬮᬶᬦ᭄᭞ᬧᬘᬂᬫᬹᬃᬡ᭄ᬦᬬᬂᬳᬶᬦᬦᬓ᭄᭞ᬗᬢᬸ
ᬭᬶᬦ᭄ᬳᬶᬤᬧᬫᬸᬗᬸ᭞ᬉᬢ᭄ᬲᬳᬦᬾᬫᬗ᭄ᬮᬶᬮᬬᬂ᭞ᬲᬫᬶᬓᬮᬶᬲ᭄᭞ᬲ᭄ᬤᬶᬄᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬲ᭄ᬯᬾᬘᬭᬢᬸᬗᬶᬘᭂᬦ᭄ᬢᬫ᭄ᬩ᭞ᬲᬸᬗ᭄ᬓᬦ᭄ᬧᬶᬭᬦᬭᬧᬢᬶ᭞ᬧᬸᬦᬶᬓᬧᬸᬢ᭄ᬭᬦᬵᬣ᭞ᬭᬢᬸᬳᬬᬸᬭᬤᬾᬦ᭄ᬕᬮᬸᬄ᭞ᬲ᭄ᬯᬾᬘᬭᬢᬸ
ᬫᬳᬶᬲᬬᬂ᭞ᬭᬤᬾᬦ᭄ᬤᬾᬯᬶ᭞ᬭᬶᬂᬲᬂᬧ᭄ᬭᬪᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭟ᬲᬶᬭᬦᬵᬣᬯᬶᬮᬢᬶᬓ᭄ᬢ᭞ᬬᬸᬱᬦ᭄ᬳᬶᬤᬓᬦ᭄ᬢᬸᬦ᭄ᬦᬮᬶᬢ᭄᭞ᬤᬸᬭᬸᬂᬳᬶᬤᬗᬫᬾᬢ᭄ᬕᬃᬯ᭄ᬯ᭞ᬲᬓᬶᬂᬮᬫᬶᬳᬶᬤᬗ᭄ᬭᬸᬭᬸᬄ᭞ᬦᬾᬫᬗ᭄ᬓᬶᬦ᭄ᬧᬗ᭄ᬕᬶᬳᬶᬦ᭄ᬳᬶᬤ᭞ᬭᬤᬾᬦ᭄
Kaca:Bali-lontar-gaguritan-babad-sunda-300ppi.pdf/7
Kaca puniki sampun kauji-wacén
