[ ᭗ 7B]
᭗
ᬤᬾᬯᬶᬧᬸᬢ᭄ᬭᬦ᭄ᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭ᭟ᬬᬦ᭄ᬢᬦ᭄ᬮᬸᬕ᭄ᬭᬭᬢᬸᬲ᭄ᬯᬾᬘ᭞ᬗᬶᬘᬾᬦᬶᬦ᭄ᬳᬶᬦᬦᬓ᭄ᬫᬗ᭄ᬓᬶᬦ᭄ᬳᬶᬤᬫᬗᬸᬫᬓᬸᬢᬬᬂ᭞ᬫᬸᬧᬸᬢ᭄ᬓᬬᬸᬦ᭄ᬳᬶᬤᬮᬫ᭄ᬧᬸᬲ᭄᭞ᬢᬦ᭄ᬧᬘᬂᬫᬗᬫᬾᬢ᭄ᬕᬃᬯ᭄ᬯ᭞ᬳᬶᬤᬮᬮᬶᬲ᭄
ᬧᬘᬂᬫᬫᬸᬧᬸᬢᬂᬭᬵᬕ᭟ᬦᬶᬃᬕᬸᬡᬓᬬᬸᬦᬳᬶᬤ᭞ᬜ᭄ᬦᭂᬗᬾᬫᬦᬦ᭄ᬤᬂᬲ᭄ᬤᬶᬄ᭞ᬧᬹᬃᬡ᭄ᬦᬬᬂᬢᭀᬂᬤᬤᬶᬧᬸᬃᬡ᭄ᬦ᭞ᬩᬗ᭄ᬕᬬᬂᬚᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄ᬯᬯᬦᬦ᭄ᬳᬶᬤᬲᬂᬦᬵᬣ᭞ᬲᬦᬾᬚᬢᬶ᭞ᬓᬢᬸᬭᬶᬂᬘᭀ
ᬓᭀᬃᬳᬶᬤᬾᬯ᭟ᬳᬶᬗᭂᬦᬶᬤᬲᬸᬦ᭄ᬤᬦᬵᬣ᭞ᬫ᭄ᬬᬃᬱᬬᬂᬳᬢᬸᬃᬓᬶᬧᬢᬶᬄ᭞ᬩᬦ᭄ᬩᬦᬮᭀᬦ᭄ᬰᬩ᭄ᬤᬦ᭄ᬳᬶᬤ᭞ᬉᬤᬸᬄᬘᬳᬶᬧᬢᬶᬄᬫᬥᬸ᭞ᬭᬯᬸᬳᬂᬢ᭄ᬓᬾᬦ᭄ᬳᬶᬦᬦᬓ᭄᭞ᬢ᭄ᬯᬶᬚᬢᬶ᭞ᬮᬰ᭄ᬘᬃᬬ᭄ᬬᬦᬶᬭᬗᬢᬸᬭᬂ᭞
ᬘᬶᬭᬶᬦᬾᬦᬶᬭᬦᬭᬶᬫ᭞ᬘᬶᬭᬶᬫᬗᬶᬓᭂᬢᬂᬩᬸᬤ᭄ᬥᬶ᭞ᬜᬶᬳ᭄ᬦᬬᬂᬓᬬᬸᬦᬾᬢᬸᬗ᭄ᬕᬮ᭄᭞ᬳᬃᬱᬦᬶᬭᬭᬶᬂᬲᬂᬧ᭄ᬭᬪᬸ᭞ᬦᬦᬓ᭄ᬯᬶᬮᬢᬶᬓ᭄ᬢᬦᬵᬣ᭞ᬓᬾᬢᭀᬧᬢᬶᬄ᭞ᬲᬶᬤᬧᬢᬶᬄᬧᬭᬶᬢᬢᬲ᭄᭞ᬓ᭄ᬦᬧᬢᬶᬄ
[ ᭘ 8A]
ᬫᬗᬢᬸᬭᬂ᭞ᬳᬶᬦ᭄ᬤᬶᬓ᭄ᬦᬦᬓᬶᬭᬤᬶᬦᬶ᭞ᬳᬶᬦᬦᬓ᭄ᬫᬭᬕᬗᬸᬤ᭄ᬥ᭞ᬯᬶᬫᬸᬤᬚᬸᬕ᭄ᬯᬮ᭄ᬳᬧᬸᬗ᭄ᬕᬸᬂ᭞ᬫᬗ᭄ᬤᬩ᭄ᬘᬶᬓ᭄ᬳᬶᬤᬗ᭄ᬭᬓ᭄ᬱ᭞ᬲᬳᬶᬲᬳᬶ᭞ᬮᬾᬤᬂᬳᬶᬤᬫᬗᬸᬭᬸᬓᬂ᭟ᬓ᭄ᬦᬶᬲᬫ᭄ᬧᬸᬦ᭄ᬫᬧᬗᭂᬦᬦ᭄᭞ᬲᬲᬵᬫ᭄ᬧᬸᬦ᭄ᬳᬶᬦᬦ
ᬓᬵᬫ᭄ᬩᬶᬮ᭄᭞ᬓᬾᬗᬶᬦ᭄ᬭᬩᬶᬦ᭄ᬲᬶᬭᬦᬵᬣ᭞ᬫᬫᬗᭂᬦᬂᬳᬶᬦ᭄ᬤᬶᬓ᭄ᬮᬗ᭄ᬓᬸᬂ᭞ᬫᬾᬯᬄᬧᬘᬂᬗᬯᬮ᭄ᬬᬂ᭞ᬲᬦᬾᬤᬷᬩᬶ᭞ᬲᬵᬫ᭄ᬧᬸᬦ᭄ᬧᬲᬶᬮ᭄ᬧᬘᬂᬓᬸᬤ᭄ᬬᬂ᭟ᬧᬶᬲᭂᬲᭂᬤ᭄ᬯᬯᬦᬦ᭄ᬳᬶᬤ᭞ᬫᬦ᭄ᬢᬸᬓᬾᬭᬶᬂᬕᬸᬲ᭄ᬢᬶᬧᬢᬶᬄ᭞ᬫᬗ᭄ᬤᬩ᭄ᬘᬶᬓ᭄
ᬓᬳᬢᬸᬭᬂ᭞ᬭᬶᬂᬳᬶᬤᬰ᭄ᬭᬷᬳᬬᬫ᭄ᬯᬸᬭᬸᬓ᭄᭞ᬧᬢᬶᬄᬫᬥᬸᬫᬗᬶᬜ᭄ᬘᭂᬧᬂ᭞ᬦ᭄ᬓᬾᬂᬗᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬜᬗ᭄ᬕ᭄ᬭ᭟ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬧᬢᬶᬄᬫᬥᬸᬲᭂᬫᬸᬓ᭄ᬜᬶᬃ᭞ᬳᬾᬕᬃᬫᬦᬄᬓᬲ᭄ᬯᬾᬘᬦᬦ᭄᭞ᬳ
ᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬲᬂᬧ᭄ᬭᬪᬸ᭞ᬲᬦᬾᬤᬳᬢ᭄ᬓᬲᬭᬢᬂ᭞ᬳᬶᬲ᭄ᬢ᭄ᬭᬶᬮᬸᬯᬶᬄ᭞ᬫᬦ᭄ᬢᬸᬓ᭄ᬳᬃᬱᬦ᭄ᬲᬶᬭᬦᬵᬣ᭟ᬓᬶᬧᬢᬶᬄᬗᬮᬸᬗ᭄ᬲᬸᬃᬧᬳᬶᬘ᭞ᬲᭀᬤᬦᬾᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬧᬗᬦ᭄ᬓᬶᬦᬸᬫ᭄ᬲᬃᬯ᭄ᬯᬧᬮ᭞ᬲᬫᬶᬬᬲᬵᬫ᭄
Kaca:Bali-lontar-gaguritan-babad-sunda-300ppi.pdf/8
Kaca puniki sampun kauji-wacén
