[ ᭕ 5B]
᭕
ᬕᬢ᭄ᬲᬸᬦ᭄ᬤ᭟ᬓᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬲᬳᬩᬓ᭄ᬢᬶ᭞ᬲᬧᬗᬦ᭄ᬤᬶᬓᬦ᭄ᬲᬂᬦᬵᬣ᭞ᬢᬦ᭄ᬯ᭄ᬦᬂᬢᬶᬢ᭄ᬬᬂᬦᭂᬫ᭄ᬧᬮᬶᬦ᭄᭞ᬢᬶᬢ᭄ᬬᬂᬧᬜ᭄ᬚᬓ᭄ᬭᬢᬸᬚᬢᬶ᭞ᬲᬦᬾᬧᬵᬢᬹᬢ᭄ᬜᬗ᭄ᬕ᭄ᬭᬜᬸᬯᬸᬦ᭄᭞ᬯᬘᬦᬦ᭄
ᬰ᭄ᬭᬷᬪᬸᬧᬮᬓ᭞ᬢᬶᬢ᭄ᬬᬂᬜᬤ᭄ᬬᬫᬢᭀᬄᬧᬢᬶ᭞ᬲᬶᬤᬤᬸᬭᬸᬲ᭄᭞ᬫᬵᬦᬹᬢ᭄ᬳᬃᬱᬦ᭄ᬰ᭄ᬭᬷᬦᬭᬾᬦ᭄ᬤᬺ᭟᭐᭟ᬧᬸᬧᬸᬄᬕᬶᬦᬤ᭟ᬓᬘᬭᬶᬢᬧᬮᬶᬫᬸᬦᬦ᭄᭞ᬓᬶᬧᬢᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬸᬗ᭄ᬕᬄᬭᬶᬂᬧ᭄ᬭᬳᬸᬫᬮᬬᬃ
ᬓᬾᬗᬶᬦ᭄ᬤᬢᬦ᭄ᬲᬶᬭᬧ᭄ᬭᬪᬸ᭞ᬧ᭄ᬭᬬᬗ᭄ᬭᬯᬸᬳᬂᬧᬗ᭄ᬮᬫᬃ᭞ᬲᬋᬂᬓᬮᬶᬄ᭞ᬓᬳᬶᬭᬶᬂᬮᬦ᭄ᬫᬦ᭄ᬢ᭄ᬭᬶᬢᬺᬤ᭄ᬥ᭟ᬳᬶᬦᬸᬘᬧ᭄ᬧᬶᬢᬸᬂᬭᬳᬶᬦᬵ᭞ᬮᬫᬶᬦ᭄ᬜᬢ᭄ᬗᬳᬶᬂᬫᬃᬕ᭄ᬕᬶ᭞ᬭᬯᬸᬄᬋᬓᬾᬭᬶᬂᬧᬲᬸᬦ᭄ᬤᬦ᭄᭞ᬳᬶᬭᬶᬓᬤᬦᬾᬫᬤᬸᬦᬸᬂ᭞ᬭᬶᬂ
ᬚ᭄ᬭᭀᬦᬶᬂᬓᬧᬢᬶᬳᬦ᭄᭞ᬤᬦᬾᬧᬢᬶᬄᬧᬗᬾᬜ᭄ᬘᬓᬶᬂᬚᬕᬢ᭄ᬲᬸᬦ᭄ᬤ᭟ᬩᬾᬲᬸᬓ᭄ᬏᬜ᭄ᬚᬶᬂᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬤᬸᬢᬦ᭄ᬧ᭄ᬭᬪᬸᬲᬵᬫ᭄ᬧᬸᬦ᭄ᬢᬗ᭄ᬓᬶᬮ᭄᭞ᬫᬗᬜ᭄ᬚᬮᬶᬲᬗᬲᭂᬫ᭄ᬩᬄ᭞ᬭᬶᬂᬩᬸᬓ᭄ᬧᬤᬦ᭄ᬲᬶᬭᬧ᭄ᬭᬪᬸ᭞
[ ᭖ 6A]
ᬓᬶᬦᬢ᭄ᬯᬂᬭᬶᬂᬚᬕᬢ᭄ᬲᬸᬦ᭄ᬤ᭞ᬕᬸᬲ᭄ᬢᬶᬧᬢᬶᬄ᭞ᬗᬢᬸᬭᬂᬲᬾᬯᬮᬧᬢᬺ᭟ᬲᬳᬲᬧᬶᬭᬦ᭄ᬢᬶᬦ᭄ᬬ᭞ᬥᬃᬫ᭄ᬫᬦᬶᬕ᭄ᬦ᭄ᬫᬗ᭄ᬮᬫᬃᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬓᬵᬢᬸᬭᬂᬲᬂᬦᬵᬣ᭞ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬳᬢᬸᬃ᭞ᬓᬶᬧᬢᬶᬄᬮᬦ᭄ᬫᬦ᭄ᬢ᭄ᬭᬶᬯᬺᬤ᭄ᬥᬫ᭄ᬘᬶᬳ᭄ᬦ
ᬬᬸᬓ᭄ᬢᬶᬳᬃᬱᬦ᭄ᬯᬶᬮᬢᬶᬓ᭄ᬢᬦᬵᬣ᭟ᬫᬸᬗ᭄ᬕᬸᬄᬭᬶᬂᬋᬋᬧᬶᬓᭀᬘᬧ᭄᭞ᬤᬕᬶᬂᬧᬗ᭄ᬮᬫᬭᬾᬚᬢᬶ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬭᬶᬂᬳᬗ᭄ᬕᬦ᭄ᬧᬮᬸᬗ᭄ᬕᬸᬳᬶᬭᬢᬸ᭞ᬧᬜᬶᬯᬶᬬᬦ᭄ᬚᬕᬢ᭄ᬲᬸᬦ᭄ᬤ᭞ᬭᬢᬸᬮ᭄ᬯᬶᬄ᭞ᬳᬶ
ᬤᬾᬯᬪᬓ᭄ᬢᬶᬦᬶᬦ᭄ᬚᬕᬢ᭄᭟ᬳᬫ᭄ᬧᬸᬭᬭᬢᬸᬳᬫ᭄ᬧᬸᬭ᭞ᬦᬦᬓ᭄ᬭᬯᬸᬄᬫᬦᬗ᭄ᬓᬶᬮᬶᬦ᭄᭞ᬜᬤ᭄ᬬᬦᬦᬓ᭄ᬫᬗᬢᬸᬭᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬢ᭄ᬭᬮᬦᬂ᭞ᬗ᭄ᬮᬸᬗ᭄ᬲᬸᬃᬳᬸᬭᬶᬧ᭄᭞ᬮᬭᬦ᭄ᬢᬶᬢ᭄ᬬ
ᬗᬾᬓᬮᬶᬦ᭄ᬢᬂ᭟ᬫᬦᬳᬾᬓᬕ᭄ᬦᬶᬭᬲ᭞ᬓᬤᬶᬳᬶᬲᬢᬓᬧᬓ᭄ᬱᬶ᭞ᬦᭂᬫᭀᬦᬶᬦ᭄ᬲᬲᬶᬄᬓᬢᬶᬕ᭞ᬧᬦᬲ᭄ᬩᬭᬩᭂᬤᬓᬶᬧᬸᬦ᭄᭞ᬫᬫ᭄ᬭᬶᬳᬂᬢᬶᬃᬢ᭄ᬢᬦ᭄ᬯᬃᬱ᭞ᬬᬦ᭄ᬢᬦ᭄ᬧᭀᬮᬶᬄ᭞ᬲᬶᬦᬳᬶᬧᬸᬦ᭄ᬧᬘᬂ
Kaca:Bali-lontar-gaguritan-babad-sunda-300ppi.pdf/6
Kaca puniki sampun kauji-wacén
