[ ᭔᭒ 42B]
᭔᭒
ᬚᬢᬸᬓ᭄ᬭᬫ᭟ᬲᬵᬫ᭄ᬧᬸᬦ᭄ᬭᬢᬸᬫᬧᬗᭂᬦᬦ᭄᭞ᬭᬶᬂᬢᬸᬤᬸᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬢᬦᬤᭀᬄᬭᬶᬂᬲᬸᬓᬤᬸᬓ᭞ᬧᬫᬃᬕ᭄ᬕᬶᬦ᭄ᬚᬕᬢᬾᬧᬲ᭄ᬢᬶ᭞ᬢᬦ᭄ᬧᬾᬦ᭄ᬤᬄᬭᬳᬶᬦᬯ᭄ᬗᬶ᭞ᬳᬶᬍᬳᬦ᭄ᬚᬕᬢᬾᬢᬸᬳᬸ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬫᬲᬳᬂ᭞
ᬫᬘᬶᬳ᭄ᬦᬲᬓᬤᬶᬫᬗ᭄ᬓᬶᬦ᭄᭞ᬲ᭄ᬯᬾᬘᬦ᭄ᬭᬢᬸ᭞ᬫᬹᬃᬡ᭄ᬡᬬᬂᬧᬧᬫᬶᬢᬶᬢ᭄ᬬᬂ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟ᬲᬶᬭᬦᬵᬣᬲᬸᬗ᭄ᬲᬸᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬓᬤᬶᬢᬦ᭄ᬧᬚᬶᬯ᭞ᬮᬾᬫ᭄ᬧᭀᬃᬭᬲᬢᬦ᭄ᬧᬕ
ᬮᬶᬄ᭞ᬫᬘᭂᬮᭀᬲ᭄ᬧ᭄ᬭᬫᬗ᭄ᬓᬶᬦ᭄ᬳᬶᬤ᭟ᬭᬲᬫ᭄ᬮᬘᬫᬜ᭄ᬚᬶᬂᬳᬶᬤᬭᬤᬾᬦ᭄ᬤᬾᬯᬶ᭞ᬲᬳᬗᭂᬮᬸᬢ᭄ᬗᬭᬲ᭄᭞ᬜᬯᬸᬧ᭄ᬢᬗᬦ᭄ᬜᬤ᭄ᬬᬗᬶᬭᬶᬂ᭞ᬫᬜᬸᬚᬸᬃᬭᬶᬂᬳᬶᬦ᭄ᬤ᭄ᬭᬮᭀᬓ᭟ᬢᬦ᭄ᬧᬕᬸᬡᬳᬶᬤᬜ᭄ᬦᭂᬂᬓᬤᬶᬫᬗ᭄ᬓᬶ
ᬦ᭄᭞ᬳᬸᬭᬶᬧ᭄ᬦᬦ᭄ᬤᬂᬮᬭ᭞ᬭᬤᬾᬦ᭄ᬤᬾᬯᬶᬫᬦᬶᬗ᭄ᬕᬮᬶᬦ᭄᭞ᬓᬂᬧᬶᬦᬓᬚᬶᬯᬦ᭄ᬳᬶᬤᬵ᭟ᬳᬃᬢ᭄ᬢᬩ᭄ᬭᬦᬲᬃᬯ᭄ᬯᬫᬸᬮᬾᬤᬕᬶᬂᬧᬸᬭᬶ᭞ᬢᬦ᭄ᬫᬜ᭄ᬚᬶᬂᬭᬶᬗᬃᬱ᭞ᬧᬸᬧᬸᬢ᭄ᬓᬬᬸᬦᬾᬲᬸᬚᬢᬶ᭞ᬮᬸᬮᬸᬢ᭄ᬭᬶᬂᬲᬗ᭠
[ ᭔᭓ 43A]
ᬬᬸᬤᬶᬬᬄ᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬢ᭞ᬦᬤᬓᬦ᭄ᬢᬸᬳᬶᬤᬫᬗ᭄ᬓᬶᬦ᭄᭞ᬮᬾᬮᭀᬢᬦᬾᬮᬶᬂᬭᬶᬂᬳᬗ᭄ᬕ᭞ᬧᬗᬶᬭᬶᬗᬾᬳᭀᬲᭂᬓ᭄ᬱᬫᬶ᭞ᬲᬫᬶᬲ᭄ᬤᬶᬄᬫᬗᭂᬢᭀᬦᬶᬦ᭄᭞ᬳᬶ
ᬦ᭄ᬤᬶᬓ᭄ᬳᬶᬤᬲᬂᬧ᭄ᬭᬪᬸ᭞ᬓᬢᬶᬗ᭄ᬕᬮᬶᬦ᭄ᬧᬸᬲ᭄ᬧᬦ᭄ᬫᬦᬄ᭟ᬲᬭᬶᬦ᭄ᬳᬃᬱᬦ᭄ᬳᬶᬤᬚᬢᬶ᭞ᬭᬤᬾᬗᬮᬸᬄ᭞ᬮᬯᬲ᭄ᬮᬫᬶᬓᬲᬭᬢᬂ᭟ᬳᬾᬘᭀᬄᬧᬗᬶᬭᬶᬗᬾᬲᬫ᭄ᬬᬦ᭄᭞ᬦᬸᬮᬸᬂᬳᬶᬤᬰ᭄ᬭᬷᬪᬸᬧᬢᬶ᭞ᬲ᭄ᬯᬾᬢᬦᬾᬮᬶᬂᬭᬶᬂᬳ
ᬗ᭄ᬕ᭞ᬳᬶᬜ᭄ᬘᬸᬄᬲᬫᬶᬗᬭᬦᬶᬦ᭄᭞ᬢᬗᬜ᭄ᬘᭀᬓᭀᬃᬓᬧᭂᬘᬶᬓᬶᬦ᭄᭞ᬯᬾᬦ᭄ᬢᭂᬦ᭄ᬗ᭄ᬭᬯᬸᬧᬶᬦ᭄ᬲᬂᬧ᭄ᬭᬪᬸ᭞ᬲᬳᬓᬲᬶᬭᬢᬶᬦ᭄ᬢᬶᬃᬢ᭄ᬢ᭞ᬳᬫᭂᬃᬢ᭄ᬢᬢᭀᬬᬦᬾᬲᬸᬘᬶ᭞ᬓ᭄ᬦᬶᬮᬦᬸᬲ᭄᭞ᬲᬂᬧ᭄ᬭᬪᬸᬤᬶᬕ᭄ᬮᬶᬲ᭄ᬓᬾᬦᬓ᭄᭟
ᬰ᭄ᬭᬶᬳᬬᬫ᭄ᬯᬸᬭᬸᬓ᭄ᬳᬶᬦᬸᬘᬧ᭄᭞ᬯᬸᬲ᭄ᬳᬾᬮᬶᬂᬳᬶᬤᬦᬾᬫᬗ᭄ᬓᬶᬦ᭄᭞ᬫᬯᬘᬦᬲᬤᬩᬦ᭄ᬩᬦ᭄᭞ᬧᬫᬦ᭄ᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬷ᭞ᬩᬯᬸᬤᬡ᭄ᬥᬫᬓᬲᬫᬶ᭞ᬓ᭄ᬦᬘᬳᬶᬳᬧᬂᬕᬸᬧᬸᬄ᭞ᬫᬦᬩ᭄ᬤᬩᬂᬮ᭠
Kaca:Bali-lontar-gaguritan-babad-sunda-300ppi.pdf/43
Kaca puniki sampun kauji-wacén
