[ ᭔᭓ 43B]
᭔᭓
ᬬᭀᬦ᭄ᬳᬶᬤ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬾᬰ᭄ᬯᬭᬷ᭞ᬫᬳᬶᬧᬸᬦ᭄ᬤᬸᬢ᭄᭞ᬤᬶᬦᬶᬧᬘᬂᬳᬶᬭᬶᬂᬦᬶᬭ᭟ᬚᬦᬶᬳᬶᬤᬳᬸᬧᬓᬭ᭞ᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬫᬗ᭄ᬤᬳᬶᬤᬫᬓᬭᭀᬦᬦ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬜᬸᬚᬸᬃ
ᬳᬶᬦ᭄ᬤ᭄ᬭᬮᭀᬓᬚᬢᬶ᭞ᬧᬗᬧ᭄ᬢᬶᬦ᭄ᬦᬶᬭᬦᬾᬢᬸᬳᬸ᭞ᬓ᭄ᬦᬶᬳᬶᬤᬗᬫ᭄ᬧᬸᬭᬬᬂᬫ᭄ᬚᬦᬶᬫ᭄ᬭᬲᬳᬶ᭠ᬯᬂᬫᬃᬕ᭄ᬕᬶ᭞ᬭᬶᬂᬲᬂᬧ᭄ᬭᬪᬸ᭞ᬫᬗ᭄ᬤᬮᬦᬶᬂᬚᬕᬢ᭄ᬲᬸᬦ᭄ᬤ᭟ᬧᬭᬫᬦ᭄ᬢ᭄ᬭᬶᬩᬯᬸᬤᬡ᭄ᬥ᭞ᬧᬗᬶᬭᬶᬂᬲᬶᬭᬦᬺᬧᬢᬶ᭞ᬲᬫᬶᬧᬤᬕ
ᬕᬾᬲᭀᬦᬦ᭄᭞ᬤᬶᬕ᭄ᬮᬶᬲᬫᬶᬫᬫᬃᬕ᭄ᬕᬶ᭞ᬫᬗᬺᬋᬄᬮᬬᭀᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬯᬶᬮᬢᬶᬓ᭄ᬢᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬧ᭄ᬭᬪᬸᬤᭂᬳ᭞ᬧ᭄ᬭᬪᬸᬓᭀᬭᬶᬧᬦ᭄ᬜᬋᬗᬶᬦ᭄᭞ᬲᬶᬤᬧᬸᬧᬸᬢ᭄᭞ᬭᬶᬂᬭᬳᬶᬦᬦᬾᬧᬸᬦᬶᬓ᭟ᬩᬯᬸ
ᬥᬡ᭄ᬥᬲᬶᬦᬫ᭄ᬬᬦ᭄᭞ᬮᬦ᭄ᬲᬢ᭄ᬬᬦᬾᬫᬓᬲᬫᬶ᭞ᬚᬯᬶᬲᬸᬦ᭄ᬤᬓᬲᬶᬓᬶᬬᬂ᭞ᬫᬓᬲᬫᬶᬯᬸᬲ᭄ᬓᬩᬲ᭄ᬫᬶ᭞ᬫᬗ᭄ᬤᬲᬶᬤᬧᬸᬧᬸᬢ᭄ᬳᬸᬕᬶ᭞ᬫᬵᬦᬹᬢ᭄ᬳᬃᬱᬦ᭄ᬲᬶᬭᬧ᭄ᬭᬪᬸ᭞ᬢᬦ᭄ᬓᬮᬸᬕ᭄ᬭᬫᬕᬦ᭄ᬢᬸᬮᬦ᭄᭞ᬭᬶᬂᬭᬳᬶᬦ
[ ᭔᭔ 44A]
ᬦᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬓᬃᬬ᭄ᬬᬦᬾᬲᬶᬤ᭄ᬥᬓᬃᬬ᭄ᬬ᭟ᬮᬦ᭄ᬢᬸᬭᬂᬧᬸᬦᬂᬘᬭᬶᬢ᭞ᬧᬗᬸᬧᬓᬭᬦᬾᬲᬫᬶ᭞ᬯᬸᬲ᭄ᬧᬸᬧᬸᬢ᭄ᬓᬮᬓ᭄ᬱᬦᬬᬂ᭞ᬢ᭄ᬕᭂᬲ᭄ᬲᬵᬫ᭄ᬧᬸᬦ᭄ᬓᬤᬶᬚᬢᬶ᭞ᬫᬸᬗ᭄ᬕᬸᬄᬭᬶᬂᬆᬕᬫᬧᬲ᭄ᬢᬶ᭞ᬢᬦ᭄ᬯ
ᬦ᭄ᬢᭂᬦ᭄ᬫᬓᬶᬭᬂᬮᬗ᭄ᬓᬸᬂ᭞ᬓᬦ᭄ᬤᬸᬕᬶᬳᬶᬤᬲᬂᬦᬵᬣ᭞ᬮᬕᬲ᭄ᬓᬬᬸᬦ᭄ᬳᬶᬤᬫᬗ᭄ᬓᬶᬦ᭄᭞ᬫ᭄ᬯᬮᬶᬫᬦ᭄ᬢᬸᬓ᭄ᬓᬳᬶᬭᬶᬗᬂᬩᬯᬸᬤᬡ᭄ᬥ᭟ᬓᬘ᭄ᬭᬶᬢᬢᭂᬗᬳᬶᬂᬫᬃᬕ᭄ᬕ᭞ᬳᭀᬲᭂᬓ᭄ᬓᬬᬸᬦ᭄ᬲᬂᬦᬺᬧᬢᬶ᭞ᬳᬾᬮᬶᬂᬭᬶᬂᬲᬂᬳᬬᬸᬤᬶᬬᬄ᭞
ᬚᭀᬮᭀᬢ᭄ᬓᬬᬸᬦᬾᬫᬩᬸᬗ᭄ᬓᬶᬮ᭄᭞ᬭᬶᬂᬳᬶᬤᬲᬂᬭᬤᬾᬦ᭄ᬤᬾᬯᬶ᭞ᬲᬭᬷᬦ᭄ᬳᬃᬱᬦ᭄ᬳᬶᬤᬢᬸᬳᬸ᭞ᬮᬷᬮᬬᬂᬢᭀᬂᬲᬶᬤ᭄ᬥᬧᬹᬃᬡ᭄ᬦᬫ᭄ᬮᬶᬧᬸᬭᬂᬫᬯᬸᬯᬸᬳᬾᬮᬶᬂ᭞ᬭᬶᬂᬲᬗᬬᬸ᭞ᬲᬦᬾᬲᬵᬫ᭄ᬧᬸᬦ᭄ᬫᬦ᭄ᬤᬾᬯᬢ᭟᭐᭟ᬧᬸᬧᬸᬄ
ᬲ᭄ᬫᬭᬦ᭄ᬤᬳᬦ᭟ᬘᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬰᬸᬦ᭄ᬬᬫᬫᬸᬂᬭᬶᬗ᭄ᬧᬸᬭᬷᬬᬦ᭄᭞ᬲᬂᬦᬵᬣᬲᬸᬗ᭄ᬲᬸᬢ᭄ᬓᬬᬸᬦᬾ᭞ᬳᬭᬂᬧ᭄ᬭᬧ᭄ᬢᬭᬶᬂᬧᬲᬾᬩᬦ᭄᭞ᬢᬦ᭄ᬮᬾᬤᬂᬫᬯᭀᬲᬶᬦ᭄ᬚᬕᬢ᭄᭞ᬓᬬᬸᬦ᭄ᬳᬶᬤᬦ᭄ᬭᬯᬂᬦ᭄ᬭᬸᬯᬸᬂ᭞ᬳᭀ
Kaca:Bali-lontar-gaguritan-babad-sunda-300ppi.pdf/44
Kaca puniki sampun kauji-wacén
