[ ᭔᭑ 41B]
ᬩᬶᬦ᭄ᬧᬢᬶᬄᬫᬦ᭄ᬢ᭄ᬭᬷ᭞ᬲᬫᬶᬲᬵᬫ᭄ᬧᬸᬦ᭄ᬤᬲ᭄ᬲᬬᬕ᭞ᬗᬶᬭᬶᬗᬂᬤᬾᬯᬕᬸᬗᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬗᬢᬸᬭᬂᬩᬓ᭄ᬢᬶ᭞ᬲᭀᬯᬂᬲᭀᬯᬂᬭᬶᬂᬲᬂᬓᬓᬸᬂ᭞ᬘᬶᬳ᭄ᬦᬲᬸᬩᬓ᭄ᬢᬶᬫᬮᬓ᭄ᬬ᭞ᬲᬫᬶᬲᬵᬫ᭄ᬧᬸᬦ᭄ᬡᬸᬦᬲ᭄ᬓ᭄ᬭᬶᬲ᭄᭞ᬲᬳᬜᬸ
ᬤᬸᬓ᭄᭞ᬭᬕᬧᬫᬸᬧᬸᬢ᭄ᬜᬧ᭄ᬚᬄ᭟ᬧᬭᬲᬢ᭄ᬭᬶᬬᬲᬵᬫ᭄ᬧᬸᬦ᭄ᬩ᭄ᬭᬣ᭄ᬝ᭞ᬲᬫᬶᬧᬸᬧᬸᬢ᭄ᬲᬦᬾᬫᬗ᭄ᬓᬶᬦ᭄᭞ᬧᬢᬶᬄᬧᬶᬢᬃᬫᬦᬩ᭄ᬤᬩᬂ᭞ᬫᬸᬦ᭄ᬤᬸᬳᬂᬮᬬᭀᬦᬾᬲᬫᬶ᭞ᬗᬫ᭄ᬩ᭄ᬬᬃᬧᬤᬜᬦ᭄ᬤᬶᬂᬭᬩᬶ᭞ᬭᬲᬓᬤᬶᬯᬸᬲᬮᬸ
ᬮᬸᬢ᭄᭞ᬜᬤ᭄ᬬᬗᬸᬗ᭄ᬲᬶᬲ᭄ᬯᬃᬕ᭄ᬕᬮᭀᬓ᭞ᬲ᭄ᬯᬾᬘᬩᬓ᭄ᬢᬶᬦᬾᬫᬮᬶᬮᬶᬢ᭄᭞ᬚᬢᬶᬮᬸᬮᬸᬮ᭄ᬢ᭄ᬢᬦ᭄ᬧᬘᬂᬮᬶᬮᬶᬲ᭄ᬫᬧᬲᬄ᭟ᬩᬶᬦᬭᬩᬶᬦ᭄ᬧᬢᬶᬄᬧᬶᬢᬃ᭞ᬧᬜ᭄ᬭᭀᬯᬦᬾᬫᬓᬲᬫᬶ᭞ᬲᬦᬾᬓᬦ᭄ᬢᬸᬦ᭄ᬫᬳᬸᬭᬶᬧ᭞
ᬲᬫᬶᬓᬳᬢᬸᬭᬂᬫᬗ᭄ᬓᬶᬦ᭄᭞ᬭᬶᬂᬳᬶᬤᬰ᭄ᬭᬷᬪᬸᬧᬢᬶ᭞ᬮᬾᬤᬂᬓᬬᬸᬦ᭄ᬲᬶᬭᬧ᭄ᬭᬪᬸ᭞ᬫᬜᬶᬗᬓ᭄ᬲᭀᬮᬄᬓᬶᬧᬶᬢᬃ᭞ᬗᬢᬸᬭᬂᬲᬳᬵᬲᬸᬩᬓ᭄ᬢᬶ᭞ᬘᬶᬭᬶᬦᬸᬗ᭄ᬓᬸᬮ᭄᭞ᬭᬶᬂᬳᬗ᭄ᬕᬦ᭄ᬳᬶᬤᬲᬂᬦᬵᬣ᭟ᬲᬶᬭᬧ᭄ᬭᬪᬸᬯᬶᬮ
[ ᭔᭒ 42A]
ᬢᬶᬓ᭄ᬢ᭞ᬓᬘ᭄ᬭᬶᬢᬬᬂᬦᬾᬫᬗ᭄ᬓᬶᬦ᭄᭞ᬧ᭄ᬭᬫᬮᬾᬤᬂᬚ᭄ᬭᭀᬦᬶᬂᬘᬶᬢ᭄ᬢ᭞ᬜᬤ᭄ᬬᬜᬗ᭄ᬕ᭄ᬭᬭᬤᬾᬦ᭄ᬤᬾᬯᬶ᭞ᬤᬶᬕ᭄ᬮᬶᬲ᭄ᬳᬶᬤᬗ᭄ᬭᬯᬸᬳᬶᬦ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᬜᬸᬚᬸᬃ᭞ᬓᬕ᭄ᬬᬢ᭄ᬓᬬᬸᬦᬾᬫᬜᬶᬗᬓ᭄᭞ᬮᬬᭀᬦ᭄ᬳᬶ
ᬤᬭᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬮᬬᭀᬦᬾᬫᬓᬺᬩ᭄ᬧᭂᬢᬓ᭄᭟ᬓᬺᬩ᭄ᬮᬬᭀᬦᬾᬓᬮᬸᬓᬃ᭞ᬲᬕᬾᬢ᭄ᬧᬗ᭄ᬕᬶᬄᬭᬤᬾᬦ᭄ᬤᬾᬯᬶ᭞ᬲ᭄ᬯᬪᬯᬓᬸᬫᭂᬤᬧ᭄ᬕᬮᬶᬂ᭞ᬘᬃᬫ᭄ᬫᬦ᭄ᬳᬶᬤᬮᬸᬫ᭄ᬮᬸᬫ᭄ᬕᬥᬶᬂ᭞ᬮᬬᭀ
ᬦᬾᬫᬲᬯᬂᬓᭂᬜᬶᬂ᭞ᬲᬢ᭄ᬫᬓᬜᬧᬲᬂᬧ᭄ᬭᬪᬸ᭞ᬫᬳᬢᬸᬃᬫᬺᬥᬸᬓᭀᬫᬮ᭞ᬳᬸᬤᬸᬄᬩ᭄ᬮᬶᬯᬯᬸᬧ᭄ᬭᬧ᭄ᬢᬶ᭞ᬩ᭄ᬮᬶᬩᬕᬸᬲ᭄ᬮᬫᬶᬢᬶᬢ᭄ᬬᬂᬫᬜᬦ᭄ᬢᭀᬲᬂ᭟ᬳᬫ᭄ᬧᬸᬭᬢᬸᬳᬫ᭄ᬧᬸᬭ᭞ᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄
᭞ᬮᬾᬤᬗᬂᬓᬬᬸᬦᬾᬤᬾᬯ᭞ᬩ᭄ᬘᬶᬓ᭄ᬩ᭄ᬘᬶᬓ᭄ᬭᬢᬸᬫᬗ᭄ᬓᬶᬦ᭄᭞ᬫᬮᬶᬗ᭄ᬕᬶᬄᬭᬢᬸᬭᬶᬂᬧᬸᬭᬷ᭞ᬧᬹᬃᬡ᭄ᬦᬬᬂᬓᬬᬸᬦᬾᬭᬢᬸ᭞ᬓᬧᬸᬗ᭄ᬓᬸᬃᬢᬶᬢ᭄ᬬᬂᬗᬶᬭᬶᬂ᭞ᬳᬃᬱᬦ᭄ᬭᬢᬸᬲᬂᬦᬺᬧᬢᬶ᭞ᬲᬶᬤᬤᬸᬭᬸᬲ᭄᭞ᬫᬗᬶᬓᭂᬢᬂ
Kaca:Bali-lontar-gaguritan-babad-sunda-300ppi.pdf/42
Kaca puniki sampun kauji-wacén
