Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/25-Pitoetoer
[ 40 ]42
raris Ni Loeh Soemerasih metakēn: ,,Napi koejoetang mē- mē?" Soemaoer mēmēnipoenē: ,,Sing adă apă oejoetang mēmē”. Raris mēmēn Ni Loeh Soemerasih poenikă noetoerang indik ajam poenikă. Waoe pianakipoene miragi. kedek ingkel-ing- kel, toemoeli mepadjar Ni Loeh Soemerasih ring memēnipoenē: ,,Mēmē, jan tiang toeară meladjahang dewek tiangé, pedas, tiang boekă siapē ento Pangenang pesan dewek tiange soebă wajah. Jan tiang noe tjerik, menanah mesekolah. Nadak sară pisan wane maugkin wenten pesekolahan. Nanging jadin tiang soebá deă kadi mangkin, sai-sai dinoedjoeně toe- sing ngelah gegaen, tiang mekeneh melali keoemah mēmē Loeh Rasminē, kadoengă mēmē Loeh Rasmin nawang sasteră Bali, toering oetoen, njak ngadjahin. Apang edă tiang boekă siapē ento, patoet tiang meladjahang dewek. Mepadjar mēmēni-. poenē: ,,Ngoedă kēto tjening! Jadin njai bisă mesasteră, masih toesing bakal dadi peră kanggo dikantor, baanē awak Bali boein loeh. Depang soebă adin njainē dogēn sekolahang!” Mepadjar malih Ni Loeh Soemerasih: „Mēmē, tiang singdă“ memoeatang pangkat, sekēwală mangdă tiang oening mesas- teră kewanten. Sesampoenē tiang bisă, tiang ngalih ental ane misi pepeladjahan ane megoenă teken anak loeh: ditoe tiang ngalih sipat-sipat toeloerē ane melah-melah". Lioe anakē ngelēměkin pianaknē loch, apangă edă meladjah mesasteră, kerană soemangsajă, djalanē pianaknē disoebanne bisă mesas- teră saling papētin soerat adjakă aṇak mocani mekeneh teken. pianaknē. Boeat totonan singdă dadi kelidin, jen soebă kar- mană, jadin toeară bisă ngeloed, masih toeară bocoengan.
1. Ih tjerik-tjerike padă mekedjang! Itjang singdă pati ngeroengoeang tjai negak ngoentoek, sekewală soebă tjai ngomong tetoeian edă pati mmobab! 2. Edă tjai ngentasin titin keneh tjainē anē doră, kerană [ 41 ]45
ento ēnggal loeng; adajan tjai medjalan megat jēh, ngelawan penompelok jēhē!
3. Lajahē ento soemasat lelipi anē toeară metoelang, nanging toēăra bocoengă lakar ngeloengang toelang.
4. Tatoenē kenă perabot mangan ento ngeranaang tjodă nanging tatoenē oelih kemanganan lajahē toesing pesan dadi waasang.
5. Pepesan lajahē ngematiang djalmă, jan bandingang tekēn pedangē.
6. Njēnandjă anē negoel lajahnē, ento lakar nepoekin rahajoe.
7. Anakē anē demen ngomong, ento soemasat njambehang binihan anē toeară karoean lakar entikannē.
8. Anakē anē demen ngroengoeang omong anak, ento anak anē lakar ngoeloerin demen atinnē anē patoēt.
9. Medingehang pang sioe, ngomong atjepok.
10. Kewelahan anakē nongos dironganē anē tjerik pesan, nanging ketjorahanē medjalan diroeroengē anē keliwat linggah.
11. Kepedihanē ento moesoeh tjainē, kedarmaanē ento sewiteran tjai.
12. Anakē tjorah keitjēn anjari, anakē anē melaksană ajoe keitjēn anēh limă baan Idă Sangiang Peramă Kawi.
13. Medjalan gangsar, ēnggal kenjel.
14. Ēnggal toemboehnē, ēnggal matinneē.
15. Jan soebă melaksană darmă, serengas-rengas boeron sidă baan ngedjoek.
16. Kedarmananē ento soedjatinnē sesereg anē dadi anggon moengkah korin kesenenganē.
17. Toesing adă tamiang, sedjawining kewikanan anē dadi anggon noelak pemēdanē anē lakar nibēnin dēwēkē.
18. Jan soebă anak meganti bagiă. adji belog sidă baană ngalih kebagianē; anakē anē soebă pedjandjiană lakar latjoer, jadin amboel apă baană ngēkanang, singdă boeoengan lakar latjoer.
19. Adă anak tocă ngomong tekēn pianaknē loeh kēnē: ,,Tje[ 42 ]44
ning! Băpa ngomong tekēn njai, nanging pemekas tetoeek bapanē tekēn njaman njainē".
20. Njēndjă anē demenină, ento katonangă melah gobannē.
21. Jan soebă saking oenteng kenehă demen, goemi Mekahē orahangă paek.
22. Edă bas sanget ngenistaan dēwēk, apang edă sanget djekdjekangă baan anakē anē tan pengoenădikă!
23. Jan tjai nangarin moesoeh tjainē atjepok, nangarin kekasihan tjainē pang sioe.
Kotjap wēnten oelă samboen kelintang loeă, ngerēkă dajă, mangdēnipoen njidaang nelasang katak kalih gadaganē sanē sedjeroning beloengbangē. sanē nampek ring gookipoenē. Oesan oelă poenikă mepineh-pineh, njeleseh ipoen keisisn beloengbang poenikă. toemoeli melingkeh irikă, kadi solahing djanmanē doehkită.
Sedaweg poenikă medal ratoen gadaganē. keiring antoek kaoelanē samian, toer meiringan djoeroe gamel. Ratoenipoenē ngelinggihin gadagan ageng. Tingkahnjanē sekadi solahing djanmă, ikatak ring arep, igadagan soeoengkoering ratoenipoen, medjadjar-djadjar kadi bebarisan soerădadoe. Waoe kantenangă antoek ratoening gadagan poenikă, wēnten oelă melingkeh ring sisin beloengbangē, raris ngendikă ring poenggawannjanē: ,,Tegarang kemă bapă netesin ilelipi: apă keranannē iă nongos dini!?"
Poenggawă gadaganē memargi, mepitakēn ring oelă poenikă. Soemaoer kang tinakēnan: ,,Inggih sewiteran titiang! Mawinan titiang raoeh meriki, antoek langkoeng bēksan titiangē". Woes poenikă poenggawan gadaganē memindah, toemoeli metoelak, nangkil ring ratoenipoenē. Sepadjaring oelă poenikă keoeningajang ring goestinipoenē. Ratoen gadaganē raris ngen