Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda/Lelipi ring Katak Kalih Gadagan Abeloengbang
[ 42 ]44
ning! Băpa ngomong tekēn njai, nanging pemekas tetoeek bapanē tekēn njaman njainē".
20. Njēndjă anē demenină, ento katonangă melah gobannē.
21. Jan soebă saking oenteng kenehă demen, goemi Mekahē orahangă paek.
22. Edă bas sanget ngenistaan dēwēk, apang edă sanget djekdjekangă baan anakē anē tan pengoenădikă!
23. Jan tjai nangarin moesoeh tjainē atjepok, nangarin kekasihan tjainē pang sioe.
Kotjap wēnten oelă samboen kelintang loeă, ngerēkă dajă, mangdēnipoen njidaang nelasang katak kalih gadaganē sanē sedjeroning beloengbangē. sanē nampek ring gookipoenē. Oesan oelă poenikă mepineh-pineh, njeleseh ipoen keisisn beloengbang poenikă. toemoeli melingkeh irikă, kadi solahing djanmanē doehkită.
Sedaweg poenikă medal ratoen gadaganē. keiring antoek kaoelanē samian, toer meiringan djoeroe gamel. Ratoenipoenē ngelinggihin gadagan ageng. Tingkahnjanē sekadi solahing djanmă, ikatak ring arep, igadagan soeoengkoering ratoenipoen, medjadjar-djadjar kadi bebarisan soerădadoe. Waoe kantenangă antoek ratoening gadagan poenikă, wēnten oelă melingkeh ring sisin beloengbangē, raris ngendikă ring poenggawannjanē: ,,Tegarang kemă bapă netesin ilelipi: apă keranannē iă nongos dini!?"
Poenggawă gadaganē memargi, mepitakēn ring oelă poenikă. Soemaoer kang tinakēnan: ,,Inggih sewiteran titiang! Mawinan titiang raoeh meriki, antoek langkoeng bēksan titiangē". Woes poenikă poenggawan gadaganē memindah, toemoeli metoelak, nangkil ring ratoenipoenē. Sepadjaring oelă poenikă keoeningajang ring goestinipoenē. Ratoen gadaganē raris ngen[ 43 ]45 dikă: Ih, peră poenggawane padă mekedjang! Kenkēn pepi- neh njamă-njamanē mekedjang, wireh boekǎ kēto pemoenjin lelipine totonan?" Meatoer peră poenggawan gadagan poenikă: ,,Inggih Ratoe Anak Agoeng, jan wantah kelingganin atoer titiangē, kaping kalih jening ipoen ngiring, patjang lemesin, anggen parekan iriki, mangdă wenten linggihin iratoe rikală meleloengaan. Jan asapoenikă sinah Tjokor Ratoe kedjanălokă, seantoekan mederoee pelinggihan oelă, sanē goemanti memeseh saking riin ring katakē kalih gadaganē samian”. Doning asapoenikă pepineh peră poenggawan gadaganē samian kēngi- nan kelinggihin antoek ratoenipoeņē, raris oelă poenikǎ ke- sengan. Sesampoene oelă poenika raoeh, ngendikă ratoen gadaganē: ,,Ih, lelipil Tjai njak anggon itjang parekan dini, lakar tegakin itjang sai-sai, dinoedjoen itjange melali. Jēn toeah tjai njak, njaberan dină baang itjang tjetjatoe ga- dagan aoekoed-aoekoed; ento minakă amah tjainē". Meatoer oelá poenikă: ,,Inggih, Ratoe Anak Agoeng! Jen wenten soeetjan peloenggoeh Tjokor Ratoe, kalih kēnak ngaoelajang titiang, sesoeen titiange oerip, titiang goemanti memanah marekan ring peloenggoeh Tjokor Ratoe. Sampoen malih djagi linggihin Tjokor Ratoe; jadiastoen kepengendika- jang mepoelang ring segară geni titiang tan wenten tempal ring pekajoenan". Pengawit ring raină poenikă oegi, oelă poenikă dados linggihan ratoening gadagan. Serai-raină oelanē poeniķă keitjen nedă gadagan asiki asiki, ngantos kesoeēn-soeen telas katake kalih gadaganē sedjeroning beloembang poenikă, sekē- wanten kantoen ratoenipoenē. Residek raină anoe, oelă poe- nikă lajah pisan, tan wenten polih tetedaan, raris ratoen gadagan poenikă ketedă. Asapoenikă palanipoenē, djanmanē memanah seneng ke- adjoem.