Malancaran ka Sasak/Purwaka
PURWAKA
Yayasan Saba Sastra Bali sajerening tetujon nyane sane munggah ring rencana kedeh pisan jagi nyarengin miara, midabdabin saha nglimbakang basa miwah sastra Bali druene. Manut sekadi tetujon punika jagi wenten pamargi jagi ngutsahayang "Penerbitan-penerbitan". Inggih tepengan puniki sane mangkin kamedalang buku pacapaliring sane mewasta Mlancaran ka Sasak pakardin Bapak Gde Srawana. Carita Mlancaran ka Sasak puniki sampun naenin-kaunggahang sajeroning majalah Djatajoe sane medal ring Singaraja duk warsa-warsa 1935 - 1939, sakewanten nenten rauh puput.
Sangkaning kedeh pakarsan Bapak I Gusti Ngurah Bagus, marep ring Bapak Ketut Nada, Ketua P.T. Walmiki, prasida Carita Mlancaran ka Sasak punika kapicayang ring Yayasan Saba Sastra Bali saha kadadosang kamedalang. Raris medal buku sekadi puniki. Sajeroning buku puniki karanjingang "Kata Pengantar" Gde Srawana sane mangge ring " Cukilan fragment" Carita sane kaunggahang ring surat kabar, "Kata Pengantar" ring ungkur puniki kambil saking sesepelan Bapak Drs.Made Sukada, satmaka anggen ceciren padrewean Sang ngardi.
"Antuk punika sinamian, titiang saking Yayasan Saba Sastra Bali matur suksma ring Bapak I Gusti [ Purwaka ]Ngurah Bagus, Bapak Ketut Nada, Bapak Drs.Made Sukada, Bapak Drs. I Gusti Nyoman Panji sane taler mapica tetulung; Bapak Drs. I Guti Putu Antara sa [...] ne sampun ledang nureksain pasang aksara miwah ngetik malih babon ipun. Sapunika taler marep ring ida dane para sameton miwah Instansi-instansi sane mapica pitulung ring Yayasan Saba Sastra Bali, mangden [...] sida buku puniki medal. Yening pradene wenten kakirangan-kakirangan ipun tunas titiang dahat pangampura.
Cutet ipun manah titiang banget pisan ngaptiang dumadak ja-prasida maweweh asil damel karya Sastra Bali druene saha buku puniki sareng naler ngawewehin asil karya Sastra punika sahe pacang kanggen piranti pepaosan, wewacanan antuk sang oneng ngwacen satmaka pacang nuldulin kayun sang para pangawi man[...]da gelis malih nginkinang, ngriptayang awi-awiannyanne.
Inggih dumadak Ida Sanghyang Pramakawi, asunwara kreta nugraha, sueca micayang panugrahan Idane mangdene basa miwa kasusastran Bali druene sida tu [...] buh, limbak werdi.-
Denpasar, 1 Januari 1978
Yayasan Saba Sastra Bali
Ketua,
(Ida Bagus Mayun B.A)