Kaca:Dongeng Panji Dalam Kesusastraan Bali.pdf/93

Wayan Sekare. Dadi epot lantas I Patih lanang istri nyembar Ida
Raden Mantri . Nah di subanne ida meling, iringa lantas ida mantuk
teken Gusti Made Subandar. Sarauh di puri, nglantas ida ka pamereman tur tuara medal-medal, kanti buin mani semengan masih tusing medal. Wireh keto, dadi katakenin ida olih aji kalih biangida,
awanan idane buka keto, nanging aturang ida nyakitang duur .
Gusti Made Subandar unint teken pinungkan Ida Raden Mantrine,
mawanan parek lantas ida ka pamereman, nakenin Ida Raden
Mantri,

"Inggih Ratu Raden Mantri, sapunapi mawinan Cokor I Dewa
tan medal-medal?"

"Beli nyakitang sirah." Keto pangandikan Raden Mantri,
lantas matur Gusti Made Subandar,

"Cokor Ratu sapunapi, seneng ring Ni Wayan Sekar?"

"Tusing. Suba ya Adi nemenin, ngenken ya Beli nemenin?"

"Tan wenten sapunika Ratu. Yening Cokor Ratu taler nyenengin, titiang wangde." Ngandika Raden Mantri,

"Tutuian keto Adi?"

"Sawiakti Ratu."

"Nah lamun keto ja, Beli suba nemenin ia."

"lnggih."

Kacrita kenak lantas jani Ida Raden Mantri. Dadi mara lantas
ida matur teken aji kalih biangidane, nguningayang buat idane
seneng ring pianak I Patihe, Ni Wayan Sekar, tur kaaturin ajinidane mangda gelis mamadikang, bakal anggen ida rabi prami. Ngandika lantas aji kalih biangidane,

"Beh I Nanak Bagus, dadi I Nanak nagih nyuang pianak I
Patihe nganggon prami? Dong da I Nanak keto. I Nanak kaden
suba ngelah tetagon Galuh Gegelang, Singasari. Sing ento pilih
tunggal anake juang malu ! " Keto pangandikan aji kalih biangidane , masih sereng pinunas Ida Raden Mantrine, bakal ngambil Ni
Wayan Sekar tanggu malu. Dening keto lunga lantas biang idane ka
jeroan I Patihe natasin Ni Wayan Sekar. Mara ida rauh ditu, bih
ngon pesan kone ida teken ka jegegan Ni Wayan Sekare. Kene
pakayunanidane,

"Be, ne kene jegegne Ni Wayan Sekar, beneh paling baana I
Nanak Bagus. Da buin anak muani tera buduh, i dewek katiman
luh buduh masih teken Ni Wayan Sekar." Keto pakayunanidane,

87