Kaca:Dongeng Panji Dalam Kesusastraan Bali.pdf/104

2.6. GALUH PAYUK

2.6.1 Teks

Galuh Payuk

Kacrita Anake Agung di Daha muah prameswarinida daat
kasungsutan kayun, sawireh ida tusing madue putra. Peteng
lemah prameswarinida matetangisan dogen. Sayan makelo sayan
mawuwuh kasungsutan idane. Duaning keto ida anake agung
nauhin baudandanidane makejang. Di subanne pepek pada nagkil,
lantas ida anake agung ngandika,

"Nah ane jani, Paman-paman pada makejang,, sawireh suba
makelo nira marabian masih tonden nira ngelah panak. Dening keto, ne jani nira ajak prameswarin nirane, lakar luas ka alase nangun
kerti, sing kaget apa ada ican widhi, maicain nira panak. Sapakalah
nirane, Paman Patih serahin nira ngisi gumine makejang dini, tur
Paman apang pageh nitahang gumine, kenken nira apang keto abet
Pamane !" Sawireh kadeh pesan kayunidane pacang lunga, dadi
tusing bani pepatih-pepatih baudanda ida makejang rep sirep takutne teken Sang Prabu.

Kacrita jani mamargi ida, kairing baan prameswari idane dogen, sawireh panjakidane tusing pesan kaicen ngiring. Kacrita
pamarginida sareng kalih, menek jurang tuun pangkung di tengah
alase wayah. Yen kudang dina kapo ida mamargi, manggihin raris
ida punyan bingin gede, ditu lantas ida mararian, dening ditu pakayunanidane miyasa. Ditu lantas ida mangelarang tangos miyasa.
Suba pragat ida sareng prameswarinidane mamati raga.

Kacritanan jani di surga, Ida Sanghyang Siwa liwat keweh
ida makayunin, dening suargane tan mari kebus tur telapakan tangan idane tan mari medal toya, lantas kandikain parekan. idane Sang Gagakpetak, kandikaang natasin ka mercapada, wireh
kayunang Ida, sinah ada anak nangun yasa. I goak lantas majalan
ngungsi ka mercapada. Suba ia t.eked di alase lantas ngindang mailehan, kanti kenyel ia ngindang , masih tusing nepukin apan-apan.
Ditu lantas ajinanga ada punyan baingin gede buin tegeh, lantas
sang Gagakpetak ngungsi punyan baingine ento, praya lakar mareren. Mara ia menceg, tengkejut lantas Sang Gagak, wireh asena
kayune kebus.

98