Kaca:Dongeng Panji Dalam Kesusastraan Bali.pdf/187

Galuh. Sai-sai kone I Bojog Sakti madagang tur lais dogenan. Se-
sukat ento Ida Raden Galuh pepesan ngrayunang.

Kacrita jani I Galuh Limbur dot pesan teken nasinne I Bojog
Sakti laut parekane kandikaang meliang. Majalan lantas i parekan.
Mara nganteg di tongos I Bojog Saktine madagang, saget dagangan-
ne suba telah. Ngomong lantas I Bojog Sakti,

“Beh, Jero, benjang mriki, tiang pacang nyediaang!’’ Suba ke-
to mulih lantas di parekan, tur aturanga sakadi-kadi.

Kacrita I Bojog Sakti buin maninne buin lakar madagang ma-
tur lantas teken Raden Galuh,

“Ratu Raden Galuh, Ni Limbur pacang numbas nasi ring titi-
ang, manah titiange pacang ngaturin tum tai muah sate tai”’.

“Keto ja Bibi keto’’, sajaan lantas ngae sesate tai muah tum
tai. Suba pragat lantas madagang. Jani teka lantas parekan nene
masubaya meli nasi, baanga lantas nasi muah benne. Suba keto
ngapuriang lantas i parekan ngaturang nasine ento teken I Galuh
Limbur. Gahgaha lantas ben I Galuh Liku. Mara cicipina bene laut
bengu pesan lantas ida utah-utah. Mara keto aeng kone bendunne,
lantas prejani ngebug kulkul, liu lantas panjake pesu, laut kandika-
in ben J Galuh Limbur muah I Mangkubumi, nyedaang Ida Raden
Galuh, dening sengguha ben I Galuh Limbur, sinah Raden Galuh
Anom ane madue dayane ento. Beh, dening keto, tragia lantas pan-
jake ngaba sikep. Unduke ento tawanga teken I Bojog Sakti, ditu
lantas ia ngae guna pamalik, masrana lekesan. Suba kone pragat,
lantas papagina kone panjake saha mamunyi manis,

“Ih Jero panjak makejang, titiang kanikaang ngaturang leke-
san antuk Ida Raden Galuh. Yan Jerone durung polih naar
lekesane puniki, sinah tan seda antuk jerone Raden Galuh’’. Dadi
tampina lantas lekesan ento, tur daara ajaka makejang, mara suud
naar lekesan, nget tusing dadi kenkenang mabalik acepokan, jeg
I Mangkubumi rejeka ‘lantas dane seda. Beh ngeling kone I Galuh
Limbur mara I Mangkubumi seda. Leletan lantas I Mangkubumi
lakar abena.

Kacrita matur I Bojog Sakti teken Ida Raden Galuh,

“Inggih Ratu Raden Galuh, margi mangkin makaon saking
iriki, becikan ring alase malinggih. Tiiang ja ngaryanang I Dewa
puri!”

“Nah bibi Bojog Sakti, tresna ja Bibi nira saturut’’. Suba

181