2.11 RADEN GALUH ANOM
2.11.1 Teks
Raden Galuh Anom
Kacrita Ida Sang Prabu kalih Prameswari Daha sampun seda, matinggalan putra istri adiri. Ida Raden Galuh madue biang kualon maparab I Galuh Limbur. Buat jagat Dahane, I Mangkubumi kone ngenterang sareng I Galuh Limbur. I Galuh Limbur tusing pesan iyeng teken Ida Raden Galuh Anom tur ida tusing pati katurin ajengan tur kalinggihang di semanggen. Dening keto, sedih dogenan kone Ida Raden Galuh kanti keris, dening tuara pati ngrayunang.
Kacrita Ida Betara Siwa uning teken unduke ento kapiwelasan kayunida teken Raden Galuh. Mawanan kandikaang lantas I Bojog Sakti tedun ka Madiapada ngemban Raden Galuh Anom. I Bojog Sakti ngiring tur lantas tuun ngojog abian i wang dusun, lantas juka bojoge ento. Kasuen-kasuen bojoge ento lantas adepa ka negara. Aturina I Galuh Liku sing kone kayun. Kene pangandikan ida,
“Ah lakar gena meli bojog bengil’’. Suba keto mailehan kone abana bojoge, masih tusing ada anak meli. Jani ojoga lantas Raden Galuh di Semanggen, ida lantas aturina bojoge, tur tumbasa lantas antuk Raden galuh aji sale. Beh kendel pesan i wang dusun tur lantas ia mulih.
Kacrita I Galuh Liku, mauar teken panjake.
“Nyen ja maang Raden Galuh ngidih nasi, lakar kamatiang’’. Dening keto tusing kone bani panjake majlawatan kemo. Nangis dogen kone Ida Raden Galuh. Matur lantas I Bojog Sakti,
“Inggih Ratu Raden Galuh, titiang mamanah madagang nasi”.
“O Bibi Bojog Sakti, bisa bibi ngae dagangan?”’
“Titiang uning Ratu Raden Galuh’’.
“Nah lamun keto, madagang suba Bibi nasi”. Suba keto ka peken lantas I Bojog Sakti meli baas muah ane len-lenan. Suba pepek beblanjanne, mulih lantas ia. Di subanne neked di linggih. Ida Raden Galuhe, epot lantas ia malebengan, ngae sesate muah tum. Suba pragat, madagang lantas ia di bale banjare. Beh lais pesan kone I Bojog Sakti madagang. Suba telah baana ngadep, maan kone ia madagang aji satus. Beh kenak pesan kone Raden
180.
