18
soebă teră karwan abetnē, toewoekină dogēn kenehnē anē tan rahajoe. Seenoen tetamaan bapannē telahangă , pajoe iă tiwas nēktēk, djaom akatih rasă towară gela- hangă . Ditoe iă maselselan, mară iă inget teken dēwēk. kēto ketoetoeran anakē manjing koeboengan, teră ta- wangă bakal penadinnē, kadēnă kasoegihanē ento toesing selokanē pipis dongkang, ketjag-ketjog meilehan, masih sakēng pitoedoeh Widi, soewoed oedjan dadi endang, soewoed keboes dadi dingin, soewoed soegih dadi tiwas.
17. BOELAN
Anē ngeranaang lemah moeah peteng ento matanai. Oeling mataainē endag kanti engseb galang pesan. Kală engseb matanainē, ento njoemoenin peteng. Doegasē ento dilangitē ngenah bintang lioe pesan, teră bakat baan metēkin. Dikēnkēnē masih ngenah boelan, anē ngeranaang galang, nangingkē toeară galang boekă lemahē. Goban boelanē ento dimaranē endag koening. boekă koenjitē, jēn soebă tegehan poetih mesawang koening. Djenengnē toesing begbeg, kerengangan tjompang, loerē dinoedjoe tanggal sepisan kanti tanggal ping nem. Jēn tanggal pitoe wiadin koetoes djenengnē nengah boenteran. Soewoed ento ngedēnang dogēn, kanti boenter pesan, keadanin poernamă, noedjoe tanggal ping 15. Doegasē ento gedēn boelanē wetară amoen lēpēr besi poetihē. Dikēnkēnē noedjoe poernamă boelanē ento masih tjoempang, ento keadanin boelan kepangan. Soewoed poernamă boelanē totonan ngangsan njenikang, keadanin pengelong. Dipengelong ping pitoenē moeah ping koetoesē djenengnē boekă ditanggal ping pitoe moeah ping koetoes. Dipengelong 15 sē boelanē ento toesing ngenah, keadanin tilem. Oeli poernamă tekaning poernamă boen mekelo- nē pada tekēn oeli tilem tekaning tilemē boen, ada 30 dină. Ento adanină aboelan. Dinoedjoe poernamă moeah tilem anakē padă mebanten. Jēn noedjoe boelan kepangan padă ngēnkēnkē anakē?
