19
18. TANGGOERAN.
I Njoman dană pianak Pan Danginē ipoen djemet pisan, kalih ngidepang sepitoetoer mēmē bapă miwah pegoerwan, nanging ipoen belog. Sedek rahină anoe noedjoe njandjaang ipoen loeas kepangkoenganē maktă arit, goemană ngererehang mēmēnipoenē saang. Irika ipoen ngempēd-empēdang saang tempoejak sinambi gendang-gending. Doeaning pangkoengan poenikă dalem kalih tioeb, kēngin soearanipoenē metanggoeran. Antoek I Njoman Dană kasenggoēh djanmă lian sane doersilă noewoetang moenjin tiangē?”. Poenika taler ketoewoetang antoek itanggoeran. Doaning asapoenikă, kēngin ipoean sangah mekipekan kangin kaoeh, tan wēnten djanmă kekantetang. Kală irikă ipoen djedjeh, boeloen kalongipoenē soengkab, kasenggoeh wēnten tonjă melegēndahang ipoen, raris ipoen melaib, ngoengsi koemahipoenē. Mēmēnipoen tengkedjoet ngantenang pianakipoenē pedjeledjeh, raris metakēn: Kenapă tjai dijis-dijis mangkihan? Megerengankē tjai?” I Dană raris noetoerang seindik-indik. Mēmēnipoenē taler adjerih kalih mapadjar sapoeniki: Dană, ento soebă tonjan pangkoenganē ditoe. Aget pesan tjai njidaang melaib; jēn tjai gegeng ditoe, mēh tjai bakat tadahă. Moelă pangkoenganē ento tenget pesan, soeba pepes ngalapang” Kala irikă mēmēnipoenē ēpot ngerereh pamor raoehing koenjit, anggēnnă moelas alis pianakipoenē, pinakă pengenteg bajoe. Wenginnē I Njoman Dană tan betjik-betjik poelsipoenē, ring sapoenapinē kedjeng-kedjeng kalih njapnjap kēwanten. Bēndjanganē ring sekolahan goeroeipoenē oening ring laad alis I Dananē mepoelas, raris ngendikă: “ Ih Dană kenapă alis tjainē barak laad mepoelas? Tjirin apăkē ento? I Njoman Dană gelis ngoeningang indikipoenē mesemoe masem. Waoe kepireng antoek igoeroe atoeripoenē asapoenikă, raris goeroeninnē itjă, ngemanahang
