PIS BOLONG
Uling malu
suba kawawa
mangge ring upacara
sajroning panca yadnya
maketengan tur
masatakan
matatakan bokor salaka
maisi baas
ipun I pis bolong
uparenggannyane
maendahan
ada gede, ada cenik
tebel-hpis
warnane gading, kuning
utawi warna selem
di tengahne bolong
di sisinnyane kaiter
sastra cina
gambar pingit
mapinda buron
wayang, gunung
surya, bulan
maketengan utawi
mategul panyatakan
satata mangge
kateben kaluwan
kaanggen salang
togog, cili
ngeranayang
pangargane
ngamaelang kewanten.
(Denpasar, 28-5-2002)
GULEM
Yan di masannyane
peteng lemah
tan papegatan
ulung ujane uli langit
ketelane gede-gede
amun kacang tanahe
semeng ujan
tengai ujan
sanja ujan
di tanggun langite
guleme mapunduh
ngamenekang
ngeden-ngedenang
marupa magenepan
ada mapinda bingin
ada cara togog
ada cara gajah
raksasa
selem abu
mairing-iringan
mirib pada tragia
nuju maya padane
manadi ujan
ngetisin gumi
mapwara saisin gumine
pada idup
dadigadang
kapuponin olih
manusa
ento makejang
sangkaning I gulem.
(Denpasar, 8-6-2002)
23
