-17-
"Kenken elenne."
"Kupinge tadah ngeseng, peliate cara nyaledet, kenehne sawat. Ane dorian paliatne bingar, kupinge kebat, tangkahe ngejer mirib tomplok baan elu; lautang kopine beli."
"Yen tusing bisa keto dong sing dadi ngae drama." Sambilanga nyiup kopi. "Ah dadine dong dadi. Kewala tileh dogen buka keto. Ngae kenyem dogen sanjatinne keweh; kenken beli. Ada kenyem sambilang jejeh, kenyem sambilang sedih, ada kenyem pedih, liu soroh ento. Senah kewala ilid. Yen kuang melah baan ngenahne cara patuh. Yen bes lebih baan mabalik dadi matah."
"Men kenken caranne."
"Benehne kene. Keneh, ingetan yadin rasa, cakupang malu dadi abesik, anggon ngalih kenyeme ane lakar buatang, suba keto mara nyumunin kenyem. Dadi, pagobaan di tengah malu pragatang, mara pesuang."
"Peh, yen keto undukne kuangan sai-sai I Mirah kenyem mapi-mapi demen ken beli, lacur."
glaut ngesges song cunguh. Enteran aine sanja ento barak masawang kuning, mara kipek-kipek I Laba kanti ngenah baud mirib lembu pangabenan mabungkus deluang emas.
