61
poenika, anggèn ipoen njarocang sekel kalih pariselselipoenè. Doing asapoenika. sawirèh kawiaktian manah I Sanggané, katibaring ipoen Ni Wiri, saking melang tenga pisan. Masa ké tan mantoek ring pakajoen sang roemaos, indik kapitresnan sang kantoen majoesa toer midep moeda, pitresnané saking ngampar malih saking kadohan. Trangipoen: jèning tan wiadin dèrèng panggoeh ipoen, djadmané loeh sané kenjoedang, wantah tan sinipi lengleng boengeng kalih osah boelasah ipoené, misadia mangdé matemoe. Ring sampoené matemoe, telas pawilangannjané, toer gelis miled kalih waneh ring idep, sajan-sajan ngawetoeang djana, toer mapamoepoet patjang roesak. Sapoenika pisan, jèning anaké dèrèng oening midep djada, raris ngrangsoek gama toea, tan pariwangdé patjang mapala roesak pakardi poenika. Inggih sapasah I Sanggané mapakoeren ring Ni Wiri, sawengi-wengi papinehipoené matjanggah. bingbang ipoen mamastikajang idep-njané, patjang pegat ring tan wèntené, indik pakoerenipoené ring Ni Wiri. Pamoepoet djantengang ipoen pisan makta manah. mangdé prasida idepnjané gilik, patjang ngelasang pisang manehnjané megat sih ring hoerenanipoené. Awinan sapoenika, sawirèh tjager ipoen ring manah, patjang pelih ngrereh timpal sané njoemek ring idepnjané. napi malih éling ipoen ring pasengkétan Ni Loeh Ratnané, sampoen soeka pisan patjang kanggèn timpal. Poenika doeaning ipoen njegdjegang pisan manah, patjang loeas ka Batoeriti, ngrereh ipoen Ni Ratna poenika. Nanging ké ipoen njantos masan kopiné. sawirèh pineh ipoen. jan tan ring ke ipoenika, sinah Ni Loeh Ratna tan da panggihin ipoen irika. Pinoedjoe I Sangga malali-lali ring Sajan. raris ipoen ngrandjing ring waroeng wèdangé, misadia noembas wèdang, njandang betjik panggih ipoen I Soedana irika sedek ngawas-awasin gambar potrét.
— ,Jé, beli Soedana dini, to ape tingalin beli?”
— ,,Sing, dé, beli ngiwasin potréta.”
— ,Jaih, né ngoeda potrétné ija dini?”
— ,Potrét enjéné, dé?”
— ,Né, ané badjang .----- soewe ipone nek, santoekan gambar poenika tan wènten madaging soebeng.
Ni Loeh Ratna! Ené ané toca mèmènné. Ané moeani ené dja toesing tawang tiang!”
