25
demité pasti, tan wénten ipoen njak ngapoel kalih ngaloemin antoek poenapa-poenapi, sané ngranajang prasida lipoer idep I Soedanané. Poenapi malih indik panganggé kalih djinah baosang, boeat ring dadaaran kéwanten sampoen banget pisan ipoen samboeng toena mawéh ring I Soedana. Jén baosang ri kalaning I Soedana neda, noedjoe-noedjoe pisan ipoen polih darang sagenepa, nanging taler samboela pisan. Jén boeat ring kario kateteh pisan ipoen, ring sapoenapiné karjané sané tan sandang garap ipoen, taler kakénkén ipoen ngarapin, kandoegi ring pamoepoeté, mawastoe mapala ipoen toejoch polih moenji tan pasroeti. Kénginan tan pisan wénten paimbangan kasakitan manahipoené, djangka ipoen kembang atjoem toer bengoel, sawiréh raina wengi magadang ngeling, tan papegatan nepes jéh paningalan, Kotjap ri sedek Pan Soekreni tan wénten djoemah, I Soedana kakénkén ngempoe antoek Mén Soekreni, wiréh ipoen épot maratengan ting. paon. Jén sapoenapi angkoeh, pedjet ni Soekreni ngeling, irika Mén Soekreni tan sapira brangtinné, ngraris ngambil kajoe, tan papékanan antoek ipoen nigtig 1 Soedana, ngantos medal panjoch batjin, toer malih matandang kanin, kandoegi ngraris bah matjepol I Soedana tan oening ring déwék. Réh asapoenika, tengkedjoet pisan Mén Soekreni ngeton I Soedana, raris ipoen malaib ka oemah pisangannjané njadoeang indiké poenika. Pisaganipoené sahasa njaadjag ring genak I Soedanané njeles nang, ngoejak batjin rah kalih panjoeh. Waoe ton ipoen, tan djangkajan ipoen ngeloer njrit kadéwa ratoe, madjarang: panak anaké mati. toer gelis ipoen njaoep natoeh boedal ka oemahipoen, sinambi maid moenji,
— ,,Dong, déwa ratoe, koediang ujai panak anaké. Mati soeba ja djani, tan oeroengen njai bakal salah, makoetang mati saoemoer idoep.”
Miragi baos asapoenika, pantji takoet ipoené Mén Soekreni, djangka ipoen atjoem toer patritis medal peloeh, raris ipoen njroe- joeng boedal, sarwi nepes jéh paningalan. Saraoehé ring balénipoené, djag mapangsegan ipoen negak, mapineh-pineh toer njelsel déwék, bas kadoeroes njalanang brangti. Kala irika raiis ipoen masasangi, patjang ngarjanang I Soedana weton madoedoes agoeng, jén njak ipoen kantoen maoerip, -toer gelis dados seger rahajoe. Tan kotjap Mén Soekreni sedek negak sarwi ngeling,
