26
santoekan waoe toemboeh kapiwelasan ring manah, napi malih kadoeloerin antoek djedjeh, mangetang kéwanten ipoen ngeling, saha masoebaja ring manah tan patjang mabikas sapoenika malih. Moenggoehing pisaganipoené loch moeani tjrik kelih, intjoeh ngentjanin I Soedana, wénten ngoembahin rah, batjin kalih endoet, wenten malih sané ngrereh patjang panjampi. I Soedana tan pisan oening ring déwék, njalempang kadi sawa kembang lémlém, binanipoen santoekan kari mangkihan aris pisan. Sang matepetin poenika sampoen kalintang maras ring idep, sawiréh I Soedana ngalemetang kéwanten, kalih angkihanipoené ngalitang. Ring sampoen pegat rahnjané medal, kasaréjang kabetjikang pisan, tan kawéhin ngroenjoeng, mangdé sampoen melekpek pisan. Mangkin mekeengan sang matepetin I Soedana sapoeniki.
_,,Beh, kénkeén ban madaja djani, wirth kéné awaké patoeroe belog adjak makedjang?”
—,,Ngoeda kénkén beli, melah soeba beli kema ka Gianjar, ngatoerin dané I Toean Docter, apang dané mitjajang tamba!”
— ,,Bah sadja, ento beneh pesan pitoengan Loehé. Nah, djani beli madjalan kema.”
Tan tjinarita ring margi, kotjap ipoen sampoen raoeh, ngiringang dané I Toean Docter, sané sampoen saregep mamoeat tamba. Sanapak danéné Toean Doctor ring genah sang asakit, raris katoeréksa sinambi ngandika.
— ,,Ih, né sarat sakit anaké tjrik, eda ngampah matepetin!” Raris dané I Toean Docter mapiteket ring sang matepetin, poenapi sapatoct ilén-ilénnjané, sampoen kandikajang sami, toer mangdé katoeoet pisan antoek sang matepetin sami. Saoer manoek sang matepetin, ngiringang pisan sapangandika. Ring sampoené aedjam soewénné katiwakin tamba, waoe ipoen. I Soedana agedat, nanging ké déréag betjik ngeton saloewiripoen, santoekan kantoen soembrah bajoennjané. Irika raris kapatiptip kawéhin tojan titisan, woes poenika waoe sakadi djenarané, gobanipoené sajan boengah. Kala irika dané I Toean Docter boedal, sawireh 1 Soedana sampoen éling ting sikian. Gelising satoea, manawi wénten tigang sasih | Soedana mataanan, waoe ipoen
dedosan soekoenné kantoen lemet pisan. Ring sampoené seger betjik, raris ipoen matinggal saking irika, pisadianipoené patjang boedal ka oemahnjané ring Karawangsoewoeng. Sa-
