114
"Buin kenken, De? Made med pesane miribne matimpal ken Yang! Oo, Made ngajum I ngurah, apang Yang enggal nyak ngadirdir ka Sunia? Da ko Made nundungin Yang, tawang! Da kone Made joari...... pongah keto ngrawes.....kanti.....nundungin Made.........
"Ida iwang sengguh, Tu! Ajinida, yening antuk mastiang sasihe pacang pawiwahan Ratu, Ida tan pisan kayun, taler Ratu kapitelas mastiang!"
"Aduh, Deeeee, makejang-kejangne tawang Made! Ija maan sutra tukel-tukelan kadut Made, Deeeeeee! Aruh sing jani-janian sing, De. Yang nu jugul kene. Made ngagen apang Yang dadi kutun pawaregan? Kema ja Madu maluan mabuncing...... Yang ekananga ja,......"
"Yakti Tu, ten uning ten Ida ring dedemenan titiange! Sugih, Tu, dengel Tu, nanging joh, nanging pahek!"
Ida tan masahur.
"Napi Tu? Napi kobetang Ida marabi ring Ida Kade?"
"Ada sing kobetang Yang! Saking Yang nu mlajahang dewek. Ngaru sing nden bisa, ngae basa sing nden tawang Yang; begbeg ngamasak gen, dija gamgam pipis!......De!" Jag meneng Ida.
"Napi Tu Rarisang Ratu! Ida nyengguhang titiang kantun idup? Majelegan yakti titiang. Titiang sampun sue madem, Tu. Sawa, titiang majalan! Napi Tu, pikenohnya kari mangkihan yening tan wenten pa-
