113
tindih ring wacana, kengin kaupamaang kadi pagehahan sawa, papulan banges, nyandang impasin. Sane encen patut kadarmane kautamaang pisan antuk i janma. Beli Agun? Taler nindihin (tuwong ring) wacana runtuh. Yan tan madagin wacanane (tan tuwon ring wacana), ni-guna pacang bebantene luih (inggihan ja luih sakadi-agnihotra), nirguna manguncarang suaran dagin pus-takane luih-luij, nirguna laksanane dana. Sapunapi - wacanan Bagawan Wiswamitra ring Prabu Hariscandra?
Yan Ida nimbangin (wacana) jati (tuwone ring wacana), ring pangargan bantene luih, sakadi aswameda, katur-ang ainggihan ping siu, janten kantun lintang pangar-gan wacanane jati." Men, Tu, Ida pacang ngardinin - karahayon Geria Sirikane......... sampunang langgia, Tu.......!"
Ida anake ayu meneng tan pawacana, nanging Ida sigsigan. I Made taler tan purun ngrawes. Nanging , wenten rupa malih amenitne, ipun matur malih.
"Napi ngawinang Ida sungsut, Tu? Napi rupa ki-rang? Ayu Ida, alah Batari Ratih! Pradnyan Ida, alah Batari Saraswati! Ring Geria napi kirang Ida? Sira purun mamada-mada keh arta-branan Ajin Ratu? Samali-ha ne pacang maminang Ida, boya ke Batara Smara ma-ngindarat, yan turah ring lontare? Adeg agung, carma ngenyudin, Tu! Prarai tulen Smara yening ring suar-gan. Sira Panji yening ring Malate, Sang Parta ye-ning ring Pandawa........."
Saget I Dayu megat rawesnya.
