I Drama Gong
buin jumunin.”
Wayan Kobar : “Modar, Likes! Kénkén jani baan nayanang apang sida ugi gelah makurnan ajak ya, Ni Nyoman Dangin.”
Ketut Likes : “Sapuniki antuk Mekel. Tiang miraga arti, ring Désa Karang Ulu wénten Dayu daating sakti kocap. Irika nunas kanti, sapunapi?”
Modar : “Cocok! Ngiring rereh punika, Mekel, tiang ngiring.”
Wayan Kobar : “Melah masi. Jalan saha larapan. Jalan jani Modar, Likes.” .
Modar/Likes : “Ngiring ....” (sapunika kéngin prebekel kaping kalih réncang ipun gegéson nuju Dayu ring Désa Karang Ulu)
Wayan Kobar : “,.. Nawegang, Atu, titiang nunas urip ring Ratu Dayu Biang.”
Dayu Datu : “yé .., dadi jag-jag nunas urip ... anak kénkén ... kénkén unduk-undukné?”
Wayan Kobar : “Sapuniki. Titiang mamanah madik anak luh nénten-nénten mrasida antuk, sawiréh wénten kantinipun teguh tur ririh.”
Dayu Datu : “Qooooo ... kéto ... Men, apa né katunas?”
Wayan Kobar : “Napi, ja, sekadi-kadi patutipun, mantra titiang mrasida ngasorang sang misadia dados kanti. Ping kalihné mangda ipun sané kenehang titiang jag-jag jeg lélor.”
Dayu Datu : “Nah, Wayan! Ento, kéné, Wayan, gegaéné ento buat anak mula abot. Kekrécéné masi abot tur yén sida mapendak gedé.”
Modar : “Gampang punika, Ratu. Puniki, Mekel, titiang nénten kirang jinah. Nénten wénten ngasah nandingin buat kasugian dane.”
Dayu Datu : “Nah, lamun kéto, antiang, malu.” (ngrans Dayu Datu ka jeroan mataki-taki jaga ngrangsukang pangléakan)
75