I Drama Gong
Larasati : "Tungkul tiang pules di kayune gede laut ya sing ada."(ngeliiig Ni Larasati) "Dija adin tiange ... eeee ... eeeee... eeee"
Dukuh : "Mendep,mendep,da ngeling,nyanan alih. Musti tepuk, guru nyaan ngalihang. Luh madaar malu! Dini suba ajak guru. Guru nganggon cening pianak." (iriki raris ipun Ni Larasati, anteng pisan, ngrateng, ngalap sekar, usan masiram malajah ipun magending)
Larasati :"Guru! Niki ajengane sampun rateng, ambilang tiang mangkin, Guru?" (Jro Dukuh kelangan kayunne miring okane sampun uning nganggah-ungguhang basa)
Dukuh : "Jukut apa kagae,Luh?"
Larasati : "Jukut pas-pasan nika, Guru."
Dukuh :"Beh, luung ... luung. Nah, ditu malu jang, ingetang tekepin baan saab. Nyanan guru nyemak yen guru suba lue."
Larasati :"Nggih, Guru!" (Larasati matembang anggitan Ramayana, pupuh ipun Dangdang Kelapa, lagu dangdang, anggen titiang nglantarang manganggit, Ramayana, dening ninguang dinu olih sanak, sama tan nune, geng ampura, sang mangrungu,surya wangsa Ian satria jati,ring sor sesamane ninguang, mumanin ninguang purun, mamaca Ramayana, kalanikan sang Berata Ida lumaris, ring perbawata ngungsi irika)
Dukuh : "Larasati, Cening! Keto ya, sai-saiang Guru nganggit gending mapupuh Dandang Kelapa, da saring tatua Ramayana. Pamargin Beratane ngalih rakane, Betara Nama Dewa di tengahing alas."
Larasati :"Dados karereh. Guru?"
Dukuh :"Ooooo ... katurin mantuk mangda Ida madeg ratu!"(wau asapunika saget rauh parasisiane) "... Cening,Cening,mara teke! Nah,negak malu, Bapa muspa ajahan."
63
