Makudang-kudang Drama Bali
dandana adinipun mamargi ngutang-utang raga)
Yadnya : "Dija ngidih yeh,Embok! Bedak gati
Larasati : "Lan malu kemu, mareren malu di kayune gede ento." (ajahan sampun rauh, embok ipune ngengkis pules, I Gede raris nyepjepin capung mas)
Yadnya : "Naaa ... ada capung mas, bakal jepjepin kena .... Baaaa ... bin abedik, bin abedik."(ngejohang sampun 3 meter) "Awas jani, bakal pipitang .... Haaaa ... ne mara capung celih." (sampun doh langkung Gede Yadnya ring embok ipune) "Haaa, na, na,jani te,jani te .... Ah, celih gati." (raris nambung capung punika matimpuh ipun ring carang ampele sisin pangkung) "Bakal ubes polonne aji puluh. Ubes, bes, bes, ngues, ues ... jih, ye, ye, ye, ye ... tulungin." (Gede Yadnya mapenpen ring pangkunge)
Larasati : "De... de... Gede....Dija lakuna I Gede.Gedeeee, Gedeeee^eeeee!"(raris ngeling ipun Ni Larasati tau ring iwang, tan renga ring adi) "Naaaa ... ne kubu! Tegarang lakar kemu,sambilang ngidih yeh ....Tiang ngidih yehe! Tiang bedak, tiang ngidih ja yehe."
Sang Dukuh : "Enyen ento, nyen? Paekang-paekang. Ne yeh... Ne,ne, ajeng... ajeng."
Larasati :"Gek,gek, gek,gek...."
Dukuh : "Beh, minab mara nepukin yeh. Nyen adane? Nyen adane?"
Larasati : "Tiang Ni Larasati, Bapa."
Dukuh : "Pantes, pantes! Alus pesan kulit ceninge! Paningalan balut tur ngangkeh tuung .... Kene kene,Ning! Bapane nu! Memene pada nu, ya?"
Larasati : "Suba mati make dadua! Tiang kalaiana ajak adin tiange."
Dukuh :"Men,adine dija! Dija ya?"
62
