|| Drama Bali Anyar
Mén sari : "Nah, pragatang raosé amonto."
Kobar : (Nyemak gelasé tur kainem). "Kénkén? Suba kasambatin I Ketut unduk rerembugané ibi sanja?”
Mén sari : "Dadi engsap tiang?"
Kobar : "Héh, uli pidan kumat pikuné?”
Mén sari : "Tusing inget tiang. Bes kéto liun rencanané. Kéné kéto. Paling melah jani tuturang kadong Sari masi ada.”
Kobar : "Soal penting engsap. Bes kakéto liunan gegaén. Gegaéné tawah-tawah jemak."
Mén sari : "Bisa melihang dogén. Semengan ka cariké. Tengainé magehin ketimun. Tondén maan tiang mapaomongan ngajak I Sari."
Sari : "Sedeng melah jani raosang, Pa. Tiang suba sayaga madingehang."
Kobar : (Ngantungang guungan kedisné). "Kéné Tut. Bapa suba tua. Bapa dot pesan ngelah mantu. Dot pesan Bapa nyangkol cucu. Krana Ketut suba masi pantes ngelah somah. Nah, satondénéBapa mati, né pangidihan Bapa. De pesan nyaan Ketut piwal tekén pangidihan Bapa. Lénan tekén ento apang tusing Ketut kaliwatan."
Sari : "Tondén ada nyet tiang ngelah somah."
Kobar : "Kéné,Bapa suba mabok dadua. Kulit suba kisut. Nyakitang bangkiang setata. Gigi suba liunan ogah. Lénan tekén ento, Bapa suba tusing sanggup mayah uang sekolah. Hé, lén ja raosé, Dugas Bapané masuk imalu, tusing taén mayah uang sekolah. Buku maan. Potlot maan. Makejang maan. Jani dadi mabalik guminé. Makejang maan meli." (Kedék ngikik).
Mén sari : "Nglantur raosé. Papak raosang. Raga tusing nawang unduk."
Kobar : "To to gangsar suba pedih (kedék). Tusing dadi pedih-pedih. Nyanan énggalan tua. Makenyem
229
