|| Drama Ball Anyar
Anak ané Ngebah : "Ngudiang uyut ento betén?”
Anak ané Negak : "Melahang... miegan lakar binjahan."
Anak Mokoh : "Awak medem baduur, dong medem duén selegang. Eda papak urusé."
Anak ané Negak : "Kénkén dadi mamedih pasautné."
Anak Mokoh : "Cai buin."
Anak Gelem-Geleman : "Mai... énggalin makisid. Nyerah?" (Angseg-angseg makokohan)
Anak Mokoh : "Baas saaté, melahang mati nyen. Awak angseg-angseg masi aéng walékané."
Anak Gelem-Geleman : "Eda munyi duén. Yén bani..., mai tuun, gantinin I Mokoh."
Anak Mokoh : "Yén marasa dueg, eda munyi duén. Zaman jani sing laku munyiné, laksana nyata mara kanggo."
Anak ané Negak : "Nah... ento pragatang malu. Yén awak mula kalah eda elek ngaku belog. Baan ané lénan."
Anak Gelem-Geleman: "Saja pesan keto. Makisid naké énggalang!"
Anak Mokoh : "Ah. (Ada anak luh ané mara teka, dagang kacang ané biasa madagang di balé banjaré) Béh... dagang kacangé mara teka. Gépé ngantosang uling tuni, biasa kereng mruput kacang, awanang pengeng tendasé.”
Anak Gelem-Geleman: "Ené kénkén masleog ka kacang lakuné, mara kalah. Luh..., énggalang ungkusang kacang, bang bantuan bedik!"
Dagang Kacang : "Sing dadi adengang. Kondén magagaan."
Anak ané Negak : "Anak makita pesan suba tekén kacangé. Enggalin ja bang.”
"Eda mabatis bébék ento mamunyi, némpétin."
Anak Mokoh : "Eda runguanga ento luh, bantu cang bedik, énggalan ungkusang kacang dasa rupiah."
Dagang Kacang : "Nyén duén karunguang, raga anak madagang, asal nyak belinina kanggo suba. (Masaut anak ané madoman, salagenti pada mamunyi)."
183
