I Drama Gong
sregep senjataning perang, munggah perahu pedawa tedun ring pesisir Blambangan. Kengin kaon prajurit Blambangan punika. Doning asapunika medal reke Ida Prabu Blambangan mapag yuda perang landing ring Ki Patih Ularan. Santukan saktine pada ngagaokin sue kengin yudane nenten nanggu-nanggu. Polih tangkis Prabu Blambangan, irika kacocoh prarain dane KiPatih Ularan jantos renyuh makasami. Tan dugi merang dane Ki Patih Ularan, sahasa mamenggal kantos pegat sirsan Ida. Gelising carita budal kengin dane kiring bala perot, cacad-cacad ngaturang pimggalan Ida Dalem Blambangan. Acereng pangaksin Ida Dalem Batur Enggong antuk merange nyingak sepupun Ida seda kapunggal antuk Ki Patih Ularan punika tur ngandika bangras,"Apan cai pelih bani murug prentah, cai kaselong ka Den Bukit (Buleleng) saha bekel, carik rauhing panjang 40 diri. Pamit reke Ki Patih Ularan ngiring sabeh wacanan Ida. Durung puput, saget rauh matedoh I Bendesa Nusa nunas kanti praya ngamademang Dalem Bungkut, santukan lampahe nyapa kadi aku. Kadagingan reke pinunase, kantun kutus Ki Patih Jelantik Wayahan saha prajurit sakuweh, jaga mademang Dalem Bungkut. Kengin kasidan Dalem Nusa antaka sapisan kasuduk antuk keris Basukih paican Ida Batara Basuki sane nguni.
PAOS I
(Bangkene matumpuk-tumpuk antuk sengit yudane, suryak mawanti-wanti tumbak. Len buin lampahe magulet sami ngadu kawisesan. Suaran gambelan tan mari girang yudane saling rorodang, saling kasorang. Kancit rauh ngatengahang pangamuk dane Patih Rajamong gumanti ngrereh genah I Mayadanawa).
Bala Tentara Rajamong:"Ih, maraang sepalahan iba matindih mati. Da nyen iba nyager. Di tumbak kaine tebus jiwan ibane."
Parajurit Mayadanawa :"Pabedikin iba ngadu sakti nira. Mula kai nyadia mapag jiwan ibane. Lagute layah ibane tan patulang, bes lajulombos iba mesuang munyi. Lautang, amongken kasaktian ibane,tumusang!
Aaaah .... Eeeeech... yaaaaaat!
Aduh... aduh, aa... daaaah(padem)."
"Ih, mulih iba! Padalem kai jiwan ibane tua, tua kangkang iba, sing gati ada lenan mawanan tua-tua arepang iba."
3
