Makudang-kudang Drama Bail
"Dalem Bungkut": Kanggit saking Usana Bali
Olih Ketut Putru
Surake mawanti-wanti kasarengin gambelan genterpater, suarane daat madurgama sambung-sinambung antuk yudane angresresin manah. Akeh bala wadwa pejah tan dugi naler prajurite malayu nandang kanin rikala Patih Raja Mong ngungsi payudan jaga ngamademang Sang Prabu Mayadanawa ring Bedahulu. Antuk waranugraha Ida Betara India sane medal saking Basuki(Besakih) jantos sapisan Prabu Mayadanawa antaka. Sisan seda, wenten kantun putran Sang Mayadanawa asiki putri, patiluplup malayu nyingidang angga kandugi kampih ring pesisir Ketewel nampek ring Nusa. Raris kaduduk antuk I Bendesa Nusa praya kangkat dados pianak ipun tur kapanyamaan ring pianak dane muani. Kasuen-suen pada bajang ipun raris katemuang marabi antuk dane I Mendesa Nusa.Apan janjine tan yukti, kengin I Bendesa kabenduin ring Ida Betara Basuki. Saking meled ipun I Bendesa mapinunas nulia kaicen antuk Ida Betara Basuki rauhing syarat "Mangda matapa dumun ring Bukit Munggi ring Nusa saduring atemu rabi". Antuk nenten mresidayang ngeret manah putrane lanang, kengin magama irika ring patapan. Doning asapunika menggah Ida Betara raris kapastu mangda pianakne sigug ngapak-ngapak.
Kacrita mangkin medal bobotan dane muani, medal anake alit nglendein cara, inggih punika medale age duur tur macaling sane ngawinang biange seda. Ajine sareng nyuduk raga mabela satia. Sampun mayusa 19 tahun sering dane macecobakan ngrereh sira ja kabaos teguh tur sakti jantos kasor makasami. Ngangkat raga kengin dane dados Raja Nusa mapasadnya Dalem Bungkut utawi Dalem Nusa. Sawewengkon Nusa panjake rep sirep tan wani luni antuk kasaktian dane Dalem Bungkut. Solahe ngapak-ngapak antuk ngandel ring paican Ida saking Betara Basuki warisan saking ajung dane. Jantos I Bendesa Nusa meweh tan dugi-dugi. Malayu reka I Bendesa Nusa sareng penduduk Nusa ka Bali kuweh ipun 20 diri praya tangkil ring Ida Prabu Batur Enggong.
Nah, ne mangkin cinaritanen Dalem Batur Enggong katangkilin antuk para tanda manteri nunas sabeh wacana (prentah) jaga ngebug jagat Blambangan santukan piuun nolak paminangan Ida, jaga ngambil okane kamadegang pramisuari ring Blingkang.Antuk merang kayune age kadauhing patih druwene Ki Patih Ularan jaga ngebug Dalem Blambangan, nanging ke mangda sepupun Ida katurang idup-idup, mangda sampun kapademang. Mapamit kengin Ki Patih Ularan saha bala teka 40 diri.
2
