I Drama Gong
Raja : "Nah,lamun keto,I Paman Jerudeh ajak. Paman, Paman Jerudeh."
Jerudeh : "Nunas lugra titiang Ratu Dewa Agung. Napi wenten Ratu Dewa Agung?"
Raja ; "Kene, ne pianak Gelah makita kemu ka alase lakar maboros kedis. Biasa ia anak teruna mustine Paman ngiring Ida. Waspada nyen Bena, Paman."
Jerudeh : "Boya tempal titiang nyanggra sabeh wecanan palungguh Cokor I Dewa! Mangkin titiang ngalungsur mapamit. Ngiring Ratu Anak Agung Putra!"
Prami : "Ingetang pesan, Paman Jerudeh! Waspada ngemban pianak Gelah, keto pesan,Paman!"
Jerudeh :"Andel titiang Anak Agung Biang. Pamit titiang, Ratu Anak Agung!"
Surengrana : "Titiang naler nunas mapamit."
Pramilan Raja : "Jalan Cening apang rahayu."
(Pamargine nyusup alas, raris kacunduk ring Surengrana peraya maburu paksi)
Adianti :"Cening, Panji Raras. Medal Cening, apa payu Cening ngalih kedis?"
Panji Raras : "Durus, Biang. Sing ja joh pajalan tiange ngalih kedis, Biang.Da sumangsaya,Biang."
Adianti :"Nah,lamun keto bakal kaukin Biang bibin-bibin I Dewane." (Adianti nepuk tangan ping tiga, kandugi rauh bidadari-bidadan sami).
Bidadari :"Napi wenten, Luh? Napi wenten?"
Adianti :"Tulung tiang Jero. Ateh pianak tiange ngalih kedis, Jero."
Bidadari :"Masadewek tiang, Luh."
Panji Raras : "Lamun keto ... pamit tiang Biang, jalan Jero, iring Gelah!"
99
