Makudang-kudang Drama Bali
ningeh. Kéné sasukat Ida marabi madué putra kapeséngin Radén Suréngrana.
(Sedeng becika mawirasa, sagét kaséngin ring I Biang Agung).
(Ica pada antuk lucuné)
Ranggawati : "Bayan, Sangit, né ajak I cening malali-lali. Pragat mapeneman dogén, tuah ja raga anak bajang. Bebeg nuturang dedemenan dogén."
Sangit : "Niki panyeroané I Bayan, begbeg nuturang film seks kémanten. Ipun sampun ya énak-énak titiang gasgas-gisgis."
Bayan : "Awak belog, suba tawang tiang mabalih ajak tunangan, masi raga milu. Kénkénan sing celegot-celegot."
Prami : "Oooooo, né té I Sangit bareng mabalih."
Bayan : "Inggih, Tu."
Prami : "Yéh, saja ....Da bena kéto Bayan, ajak ia I Sangit numpang!"
Bayan : "Napi puniki katumpangin? Lén dokar, motor napi ipun, seksekang tiang ipun I Sangit. Né bes...." (suasana lucu).
Suréngrana : “Biang, tiang makita maboros kedis. Aliang tiang tukang ateh!"
Prami : "Beli Agung, dija lakuna, Beli Agung."
Raja : "Beli, Adi? Dadi marupa perlu. Apa ada?”
Prami : "Puniki putran Beli, pianak titiang, nagih maboros kedis, Beli."
Raja : "Maboros kedis? Da joh-joh! Nyén nawang sengkalané. Aji mara abesik manurunang, tuah batun matan ajine cening."
Prami : "Pireng to, Cening, pangandikan Ajiné. Biang masi jejeh. Da Cening lunga ka alasé. Kanggoang di tegal-tegalé, Cening!"
Suréngrana : "Tauk, tiang ngalih kedis di alasé, apang tawang isin alasé. Lamun sing ada ngatehang, tiang majalan padidi."