20 | 1 Wayan Sadha
dagangne nganggon rombong ané adepa tekén brayané uli Jawa. Sakéwala dugas dinané totonan I Lentir ngaba pipis tuah acukupan anggona mayah pamelin gatép engkag. "Mas Wayan, beliin dong bakso!," kéto céwéké ngrunyung I Lentir. Sawiréh I Lentir tusing juari ngorang déwékné tusing ngaha pipis, gengsi koné, lantas ia manggutan, céwéké ané ngajum-ngajum bisaanga déwékné nagih bakso padama ajembung ajaka nemnem. Béh telah suba dayane I Lentir, sawiréh ia ngaba pipis tuah acukupan anggon mayah ongkos olahraga ranjang ngajak patherne I Gembrot alias Sutinem. Sasubané I Lentir macelep ka kamarné I Gembrot lantas ia main sumo, magulet buka palun kebabange magenti mara bahuanan, dikénkéné masepsep cara kedis gelatike ngemang pianakne ngamah, jag atep bibihné tuara ja seneb tekén boon engkahne I Gembrot, tur ditu ia manying-anymgan ngaroman sambilanga masth mapijet ngerangsang apang enggalan bangun nak cenikné. Sawiréh kalangen ngrasang pijetane makada I Lentir kenehné kambang kaumbarané tuara ja inget tekén déwék yen kija kadén makeber, raris ia ngaud krisné anggona ngurek. Kondén ada dasa ketékan saget ada anak mabyangbyungan uyut di sisian.
"Tibum .... ! Tibum...! Tibum ... !" béh makejang céwéké mrantaban sambrag ngalih pengkeban. I Lentir makesiab ningeh anak nguyu tang tibum disisian, sawiréh bas sanget ia nyeh, kerisné prajani ngalemet leglog. Enggal-enggal I Lentir nyarungang krisné raris ia masulub di betén baléné, kuala I Sutinem enggal-enggal pesu uli kamar lakar nelokin ada apa disisian. I Lentir bingung di batan plangkane bayuné runtag mapan disisi suba ramé sajan tibumé ngadaang cakupan nyliksik sabilang kamar celepina. Sawiréh marasa kaselek I Lentir jag ngencotang nomplok dinding bedeg kamaré totonan kanti uwék mrasidang tenggekne nengok kesul-kesul didurin kamaré, ngalantas ia macuwet marhar pagehan tur tuun ka tukadé, palihatné mrengang takut lakar katangkep tibum. Klisat-klisat I Lentir dibatan punyan padang gajahe mailidan disisin tukade sawatara ada apanyakanan baana mengkeb kanti garang legu ia
