18 | I Wayan Sadha
kraik. Unduké makada Mbak Inem mlaib sambilanga kraik-kraik, tusingada anak ngerti, kéto masi I Badrun padidi.
“Kepiyé iki Mbak Inem? Aku nggak ngerti sebappé kok,ngomonge karo aku koyoké Mbak Inem ningali sétan iki.” (Anakya kénkén ténénan Mbak Inem? Iraga sing ngerti baana tekén dadalané, munyiné ngajak idéwék asaané cara anak nepukin tonya.) Keto I Badrun ngrenggeng, tusing tawanga ibané ané ngranang Mbak Inem tengkejut, mapan I Badrun anak suba ortanga mati tekén timpalné ané madan I Panjul.Kuala tanpasangkan teka ka warung, kéto masi ka RS. Ento kadéna atmané I Badrun kasasar ulian tusing nyidang mayah utang satondéné mati.
Sagétang Mbak Inem maglebug niwang di rurungé.Enggal-énggal Mas Badrun nyaup tur abana ka sal tongosné itunyan. Kuala mapan ia kraik-kraik itunyan cara anak buduh, prajani ia kisidanga ka sal Nusa Indah sig tongos anaké sakit stréss lan sakit kejiwaan. Miribné ia kadéna gegar otak.
“Jawat nak Bali jawat nak Jawa _ kepercayaané patuh paturu nyadin atman anaké mati bisa tekangarubéda mapan unteng sejarahné tuah pengelingsirné besik imaluné. Kuala jani jawat berayané ané uli Jawa suba magama Islam tileh masih percaya tekén warisan agamané cara ané suba-suba, apabuin ané nu magama Kejawén.” Kéto I Somprét ngrenggeng sambilang majalan ngaliwatin kamar mayat.
***
Puput Minggu Kliwon Watugunung Tulangampiang, 19 Désember 2004.
