Leak Pemoroan | 15
“Waduh Mbok...Mbok, koncoku iku sampun mboten wénten, sampun dangu niku tilar. Tilaré ketabrak truk, kulo sing nganterin teng Jowo.” (Aduh, Mbok...Mbok, timpal tiangé totonan anak suba ilang. Matinné ulian kaplug montor bak, icang ané ngatehang kumahné ka Jawa.” Keto pasahutné I Panjul.
“Tnalillahiwainailahirojiun...!” (Mimih...! Dewa Ratu Agung, dumadak atmane katerima di kadituané). Dagang nasiné makesiab sambilanga mapangsegan negak di dedamparné, sawiréh tusing manyet tekén pisagané suba mati tabrak montor truk. Mbak Inem nadak padlekdek peluhne pesu,
I Panjul lantas magedi inceg majalan ngauhang sawiréh takut eda-eda Mbak Inem nadak niwang ulian ningeh orta Mas Badrun mati matbrakan. Mas Badrun anak mula liu pesan ngelah anggehan nasi tekén roko sig warungné Mbak Inem. Satondéné maan gagaén di proyék Nusa Dua anak selid sanja nganggeh nasi tekén roko sig Mbak Inemé, sawiréh suba makelo ia tusing taén maan ngalih pangupajiwa, utangné suba liu pesan, ento makada ia tusing taén bani liwat apa buin macelep ka warungné Mbak Inem. Kuala bas makeloné I Badrun suba kanti telu bulan tusing taén teka ka warung, ento makada Mbak Inem nundén [ Kasim anak buahné ngintél/ngintip pajalané I Badrun. Kija sesajané palakuané | Badrun dadi tusing taén ngenah nyang lawatnée ka warung, apa ya engsap tekén ibané ngelah anggehan liu? Asil penyelidikané I Kasim koné I Badrun suba maan borongan proyék di Nusa Dua.
Anak mula kéto dadi jelma lacur, apabuin ngoyong di perantoan ané madan daérah pariwisata, tusing tas ngelah kabisan utawi skill, sinah iraga setata nepukin pakéweh mapan guminé suba krisis. Ané paling sanget makada guminé terak dugas Oktober tahun duang tali duané bommé makeplug di Legian, Kuta nyengkalén tamiu mancanegarané penyatakan mati. Ento makada tamiu manca negarané tuara bani teka ka Bali. Ulian ento pakéwehé maweweh-weweh di sajebagin Nusantara. Ané
