12 | | Wayan Sadha
tekén bapané, mapan suba uling cenik ia mula tusing pati awor teken bapané. Dugasné cenik anak uwané ngubuh ia gumanti gedé buka jani. Sasukat totonan I Getar rebat manyama tekén I Kakul, awanan kanti I Getar lawana maprakara ngajak nyama tugelan lan ipah-ipahné I Kakul di tingkat désa. Prajuru désané uli adat wiadin uli Dinas Kelurahan tuara prasida mragatang matengahin prakarané, tusing nyidayang damai mapan pada-pada kukuh, pada-pada ngadén déwékné ané beneh. Ditu lantas I Getar kaceplosan munyi nangtangin masumpah cor di pura ané tenget. Sawiréh prakarané tusing nyidayang mragatang di désa, awanané rebaté kanti teked ngadil ka polisi. Ento makada I Getar wajib lapor di kantor polisi sadina-dina menghadap nekén surat wajib laporé di polisi. Sasukat suraté teka uli kepolisian ané misi judul macoran totonan I Getar sedih kingking ngajak pianak mantu lan somahé, sawiréh suraté ané teka uli kantor polisi nyuratang kaluargané Luh Lasia sanggup lakar nglaksanang sumpah cor di Pura Dalem Kayangan sekadi pangidihné I Getar. Satuane suba kadung Kacepolsan nangtangin macoran lakar kénkénang nuduk munyi suba abuh?, apabuin I Getar basangné mula kaku,sinah ia tusing lakar nyak muungang, munyiné suba kadung nangtangin macoran, jawat menék kancané pakewehé lakar nepén pianak lan cucuné pariwekas, koné sumpah coré totonan pangrabdané abot pesan nibénin nyahé makudang- kudang keturunan lakar sangsara. Kuala aget, prajuru désa adateé tusing ngicénin ngadang sumpah cor di Pura Dalem Kayangan, mapan purané duwén masyarakat tur mula tan kalugra ada wadésané macoran di purane totonan. Sawiréh tusing kicén, tatag-tugtugné tanahé payu madep, pamelin tanahné madum ajaka daduwa, kuala I Getar tekén I Kakul tileh mapuik kayang jani. Mula kéto jenengan nyama Baliné liunang demen masogsag ngajak nyama tugelan, kuala yén masentalan teken wong ateka setata ngalah.
“Béh, yén kéné unduké satondéné ada rebat sinah suba taén ada pajaljal keras kurenané I Nyoman Getar
