KIDUNG PANJI SUMIRANG, GERIA GDE BALAYU. 89
111b | Kang surak gumuruh atri,
lwir karungwéng awiyat,
prapta Sri Natta katiggha,
Wira Dmung rimihin,
wadwan ira gumuruh,
apti lwir Naggha rote amangang,
apti amangsa daging,
tabeh-tabehan umyang gamuruh. 101,
angregung prasamma atri mahu-/
rahan,
ndah tan palinggaran,
kang ring ayun wis apagut,
aprang silih okih,
samma angadwaken kadiran,
sing kasor tan wang antu,
alan wong ira Kryan Tumenggung,
sira Dmung amuwus. 102.
Ih ala lakunmu ajrih tresnéng/
jiwwa,
masha urung pjaha,
112a | dleng mangké ngong lumaku,
tur ngingkis watang arawis,
binuru kang wong Warawan,
Linanjam tinut ginulung,
pinerang ginalah,
Wirakalang gung runtik,
tean pangcap lumampah asru,
Rakryan Dmung tinuju. 103.
Sira Dmung anudingi,
"Kita tuwi wong wirupa,
Sanga Panji Jayapuspha,
kon sira atanding",
Wira Kalang lwir pinupuh,
tumuli sigra amattang,
trus jaja samengkéng gigir,
wus sinuri kang surak gumuruh. 104.
Sira Tumeggung agung runtik,
Wira Kalang dinungkap,
Rakryan Wirun anembung,
swé ngudu kawanin,
Sri Tumenggung nitir amabad,
sinép sakéng iringan,
pinrang tigas tkéng gigir,
munchar rudira usus-ya mulu.105,
Surak awanti-wanti alara-/
ddan,
Wong Pudak sategal,
Patih Késari anulu,
lwih runtik ing ati,
amleg turangga maring arsha,
Rangga Wiradda cumundhuk,
sira patih ngucap,
"Ih sapa kita lumaju,
112b | lwir salaha tibéng banyu. 106.
Rangga Wiradda angling aywa/
mangpang,
yén tuhu sudira,
pamenning astra tinempuh,"
Sira Patih gung runtik,
amleg turangga tur amabad,
akuyengan nitir anuduk,
Si Rangga Wiradda,
anglésha tangkisn-ya ramping,
jumog turangga ring pungkur,
sira Patih tinekek ring bawu.107.
Mangiwung apti awali,
tar pantuk kukuh jinambak,
tur ingereb griwan nira,
tumuli cinangking,
Radén wiraprabha tumulung,
tumut Radén Suryyanasha,
Radén Narentakka prapti,
anangguhi sang rwa angrebut.108.
