KIDUNG PANJI SUMIRANG, GERIA GDE BALAYU. 86
108a|wuwus eyes sira Panji,
sopacaranning asolah,
lalakon nira alangu,
raja bangun sari,
pinacang-pacang pinuput,
ana ring Sang putri widerbbha,
ngaran Dyah Ayu Srigatti,
wus minusthi ring masha kacatur. 77.
Dadi ana angalangin,
ngaran Panji Lilasmare,
masuk tayéng dalem pura,
kineges Sang putri,
moggha kaciryyan ing laku,
kinepung kinandang-kandang,
de Sri Raja bangun seri,
katututan ta siréng menguntur. 78.
Pinrang tinut ri gigir wus pi-/
nrajaya,
pjah ta sire ring dalan,
108b|kawwat dén ing laku dudu,
wong ira wiwisthi,
angrémpong pjah ring dedalen,
sawiji ndah tan kantun,
ka wong kabéh mulat,
tuhu ulangun ring kaméddi,
lanang wadon rara dusun,
prasama tan arep mantuk. 79.
Wus luwar kang kamédi ndah tan/
lupta,
ka wong samma angarang,
aptin ire andhulu,
langun ing keméddi,
dina latri ndah tan mintar,
anna ngembansutte putu,
ambawa tadhahan,
tan mantuk ring negari,
anut lampah Sanga Bagus,
sukaméng nala ten pesuguh. 80.
Tan koningéng dina latri,
dén ira lumampahe,
akwéh banwa wus kahassan,
prasama angiring,
tan pakinas ring laku,
separanning lampah ira,
prapténg Warawan negeri,
jumujug ana ring pasar agung. 81.
Kahadang Sri Narapati,
sinéwa ring pasében,
Sanga Panji munggwing araha,
kanchit umung ring yowi,
kang wong prasama gumuruh,
awur-wuran samme ngucap,
109a|punang keméddi lwih prapti,
sire Panji amit sigra umtu. 82.
Rangga Wiradda prapti singgih/
Pangéran,
kang kamédi prapte,
swabawan-ya alangu,
mémper ring kinapti,
sira Panji sigre angucap,
suruhana dén asruh,
Kén Rangga lumampah,
kantemu Sang wawu prapti,
Kén Rangga smu amitta amumus,
singgih Déwa sang Arum. 83.
Sinéngan déra Narapati uma-/
rekka,
tka ring wadwan nira,
tar lén apti anuku,
lampah ing kaméddi,
anut sira sang sinéngan,
lumampah ana ring menguntur,
tinut ing pawongen,
angamer lampah amanis,
agawok kang wong andhulu,
sira Panji mangha andhulu. 84.
