KIDUNG PANJI SUMIRANG, GERIA GDE BALAYU,61
76a|Sira Kriyan Apatih prapti,
Wira Dmung milu kalaron,
nuli anembang pangarah,
76b|kang wong kinon lumarap,
angrahraha Sri Bhupati,
sira Dmung amungaranin,
kang wong lumampah anyatur bwanna,
atusan lampah adudon,
anusup ering wanadri,
noranna uryyanning lampah. 205.
Bangiwén kang wong lumampah,
nalusur ring alas,
mattra tan katemu,
umangsul ring pura,
Sri Madéwi lwih akingking. 206.
Tan kawarnna laran nira,
Radén Krettanatta,
sira pwa winuwus,
tan sisir pinaran,
dén nira Radén Déwi. 207.
Dyah Ratna-ajeng anangis,
wétning tang sreda Radén Ino,
sira Liku lwih kabaran,
umarak ering Sang Nattha,
wahwa mayat matur aris,
Sri Bhupati agung runtik,
tan pangucap rengu kang lalatta,
sira Liku kelaron,
nira muhun angingsir,
rinasha wiyar ing gunna. 208.
Wus prapta ring Radén Déwi,
tinitihan lara ping to,
77a|katon suttann-ya angarang,
udadi dremban ing nala,
sinéngan Aradén Mayashih,
sigra ta ya wus prapti,
sira Liku sigra angucap,
mangké yayi anglakon,
wus washa ya singshati,
janjinn-ya sinulam ing sepah. 209.
Wus akring punang sepah,
tambis abisshan-ya,
Radén Mayashih lumaku,
panca wadwanutta,
wus prapti ring wanna-giri. 210.
Tinibannan wresthi-patta,
angeb siréng tingga,
alilintar anembur,
pjah pwa ya sira,
basmi anaddi asthi. 211
Kari wadwann-ya sawiji,
ulangan mangsul kalaron,
prapta ta ya warah-warah,
sira Liku kabaran,
alara ya anangis,
Radén Indu winnarnni,
dalu sira atilaré Deha,
sahabala anglayok,
prasamma amengi,
wus prapténg kutha-wannira. 212.
Kacunduk kang wong akmit,
prasamma lara ngépon,
Radén Indu sigra ngucap,
paran dénta nemu lara,
kang wong prasamma ngeling,
arin ira noranéng puri,
sapta wegung sadwa asusuppan,
nora matra ring unggon,
77b|Radé Radén Indu lumaris,
jumujug maring pargehan. 213.
Nuli nggrungu wong kalaran,
nangis asasambat,
Dyah Candrakéranna iku,
ingajap-ajap,
mwang sira Sri Pramiswari. 214.
