KIDUNG PANJI SUMIRANG, GERIA GDE BALAYU, 58
72a|Lwir candra karahinan,
72b|anut wamnan nira,
wayawann-ya gemih,
léhér mapanjang,
lakunn-ya amanyak alit, 175.
Kuneng sira Radén Mantri,
sinung bhusanna saparanggon,
sopacaranning Sang Natta,
Rakriyan Patih angucap,
duh singgih sang apekik,
becik ayas arinihin,
Radén Déwi sampun wus ayas,
Radén Indu nglng alon,
anglularanning ati,
ngong anut nora pinatyan. 176.
Tumuli ayas sang apekik,
aglung swarnna kaprabon,
awastra lungsir swétta,
kampuh ira sutra syamma,
ndah tan apti pahés rukmi,
rupan nira émbeh pkik,
asambawa kang rasha ngénakka,
ginantang munggwing panon,
sumlap ana ring atti,
sira Dyah Candrakéranna. 177.
Wus putusning aopacara,
kang yasha-pawaranghan,
sopacaralangu,
Sri Dwija amuja,
73a|pamutus shang-astaséni. 178.
Sigra metu Sang Winarang,
alungguh ring dampa,
pinayunghan lungsir ungu,
amurdda syamma,
dalugdané rimihin. 179.
Prapti ring yawi sang apekik,
Dyah Ratna-ajengakajjumog,
mungguh ring yasha pawaranghan,
Radén Mantri ring lemah,
Radén Déwi nolih-nolih,
Rakriyan Patih matur aris,
sampun lumuh munggah Susuhunnan,
nuli lumampah alon,
noranna musthin ing kapti,
wirang ing wong pipinangan. 180.
Kang wong prasamma ngulati,
tumon warnna Radén Ino,
samma agawok umulat,
kédep nora manusha,
bangun Hyang Smara-murti,
turun aminda ring bhumi,
akwéh kang wong angucap-ucap,
éman kang warnna kawot,
nora angrangsuk arukmi,
kaya nirsuka winarang. 181.
Sawanéh anna angucap,
73b|atut ujar ira,
warnna Radén Galuh,
nora saharas,
lwir odda anarung shashih. 182.
Tuhu ling nikang awidya,
pindanditéng wetwan,
mregann-ya tan atut,
apwara pasah,
nora putus sitarasmin. 183.
Akwéh yan wuwussen malih,
pawarah-warah ikang wong,
kuneng sira sang winarang,
ri wus nira ngaksamma,
tumulya ngaras-mretti,
nuli umanjing ing puri,
sampun munggah ring jinem-mrikmar,
winasuhan padda karon,
ring wusning tumangkeb samit,
ndah tan kawarnna ring lampah.
184.
