KIDUNG PANJI SUMIRANG, GERIA GDE BALAYU, 57
71a|Epuh twas Arahádén Mantri
soka lumang siréng panon,
angrewanna arshan nira,
kumenyep siréng nalla,
ih baya ta sira yayi,
abawa ta ya ri laki,
yan ngong mangké angungsi sira,
lintang laranning Sang Katong,
Wétning wiwaha cumawis,
mangko pangrashanning nalla. 165.
Radén Indu angucap,
singgih Sang Anatta,
sampun agung uyung,
ring wong inasraya,
bangiwén lara ngong prapti. 166.
Yén sih Sri Naranatta,
71b|ngong minta usadda,
lumaris ering gunung,
kagyat Sang Natha,
masmmara angling aris. 167.
Duh anak ingsun minusthi,
aywa siragé anglakon,
ingké ana wishapaha,
si dan ing sira winarang,
minusthi ana ring bénjing,
Radén Indu anawuri,
anuhun ngong ri ajnya Sang Natta,
suka sira Sang Katong,
Radén Indu wus amit,
umungsir ring salu kilyan. 168.
Gumuruh sakwéh ing angiring,
Sri Naréndra ngucap alon,
kaki Patih endi sira,
Radén Aryya angucap,
alara patik Nrepati,
angelu teka ring gumigil,
ih yan tuhu larann-ya kabaran,
kita pwa ya anglakon,
sopacara winarni,
didiné aywa tinindan. 169.
Anuhun Arahadén Aryya,
wus putus kang tadah,
katur ring sang abagus,
sampun sammanadah,
ndah tan kawarnna ring lattri. 170.
Winarnna wuwus prabhatha,
72a|kang wong abyahattan,
mangun palalawuh,
mwang sopacara,
prasamma wuwus sumaji. 171.
Kang wong pininang wus prapti,
paranatta lanang-wadon,
sira Dmung ing Singhasekar,
Rakriyan Patih Warawan,
Wirajaryya paramantri,
sampun prasamma anganti,
gumuruh punang tatabuhan,
kendang gong tan paparungon,
lwir guruh amling ing kuping,
marung swaranning abyagattan. 172.
Winarna Rahadén Déwi,
ayas anglung inreton,
rinumpuk ing puspa-swarnna,
rumawé janggasyamma,
kinarang barangan manik,
abapang rukmininukir,
acawet syamma sinulam-sinulam,
jinamang lungsir ijo,
tinreppanning mas-adi,
apaningset lungsir syamma. 173.
Tinreppaningkkanaanna,
mapanumbuk mirah,
apinggel jagghasatru,
tinrep ing ratna,
dumilah bhusannané lwih. 174.
