12. PAN ANGKLUNG GADANG
Kacrita di Desa Anu ada kone anak madan Pan Angklung
Gadang. Yen di pawangwangan jlema bocok, mapi-mapi belog, mirib
tuara ia nawang kangin kauh, nanging yen tlektek dayanne kerep-
an taken bulun meng. Pan Angklung Gadang ia mamarekan di
purian.
Kocapan sedek dina anu, Ida Anake Agung makayun pacang
lunga ka gunung, tumuli ngandikain Pan Angklung Gadang, "Ih,
Bapa Angklung Gadang, gelah jani lakar luas ka gunung, kema
iba ngeteh-etehin jaran apang enggal!"
"Inggih, sandikan Cokor I Dewa titiang sairing", keto atur
Pan Angklung Gadange, nglaut bangun ngenggalang nyemak kuda
palinggihane, tur kaeteh-etehin kapasangin kekepuh, kundali, ambed
ikut muah canggah bias ; makejang pada mablongsong slaka. Di
subane pragat, lantas Pan Angklung Gadang matur, "Inggih Ratu
Dewa Agung, puniki sampun puput antuk titiang, durusang Cokor
I Dewa munggah!"
Lantas Anake Agung ngamunggahin kuda tur buin ngandika,
"Iba Angklung Gadang, kema jemak pacanangan gelahe, jalan iba
ngiringang gelah jani!"
"Inggih, sandikan Cokor I Dewa". Raris Ida Anake Agung
manglinggihin jaran maalon-alonan, kairing ban Pan Angklung Ga-
dang negen kompek pacanangan.
Gelising satua, pamargin Ida Anake Agung manglinggihin
kuda kairing olih Pan Angklung Gadang, suba kone joh ngliwat
desa, kaget macepol blongsong ambed ikute, nanging tusing duduka
teken Pan Angklung Gadang.
Kacrita jani suba kone di gunung, tumuli Ida tedun sakeng
kudane tur kacingakin kudane makocogan pesu peluh, kandugi ka-
waspada antuk Ida, pinganggen kudane kuang, blongsong ambed
ikute kecong, raris Ida ngandika, "Ih iba Angklung Gadang, sa-
wireh iba majalan durian, iba tusing ajin blongsong ambed ikute
kecag?"
Matur Pan Angklung Gadang, "Inggih Ratu Dewa Agung,
- 62 -
