Aeng kone geluranne I Bawang telah matatu awakne macuab-cuab
pesu getih. Pesu lantas I Bawang ngarod-arod ngeling, keneh
ngutang-utang iba nuutang I Kesuna. Suba neked di bete, tepukina
lantas I Crukcuk kuning ane ngotolin I Kesuna. Ditu lantas I Ba-
wang matimpuh nunden I Crukcuk kuning ngotolin ibanne, "Crukcuk
kuning, dong gotol tendas kaine, apang memesu blengker mas!",
keto abetne I Bawang, lantas I Crukcuk kuning ngotolin tendas
I Bawange, ojog-ojoga tatunne gotola. Aeng kone gietanne I Bawang
naanang sakitne, masih tusing mesu blengker. Tundena lantas I
Crukcuk kuning ngotolin baongne. Gotolina lantas baongne I Ba-
wang, masih ojog-ojoga benengan tatunne. Dening tusing nyidaang
ia naanang sakitne, lantas ia aduh-aduh, gelur-gelur. Kanti nyeleati
kone I Bawang naanang sakit, mara suudanga ngotolin teken I
Crukcuk kuning. Inget ia suba peteng lantas magadaban ia muiih
grayang-grayang. Teked jumahne lantas ia kauk-kauk nagih ampakin
jlanan, "Meme, Meme, ampakin icang jlanan".
"Nyen ento kauk-kauk?"
"Icang I Bawang"
"I Bawang, ngenken iba mulih, jabin tomplok tendasne aji
blida. Ma siga magedi, awak suud mapianak teken siga", keto abet
memenne.
Buin kone I Bawang makaukan, "Bapa, Bapa ampakin ja
icang jlanan!"
"Nyen ento I Bawang?. Jabin tomplok tendasne aji patin
tambah".
Dening tusing nyak ampakina teken meme bapanne, mesuang
lantas ia, lantas ngojog kumah dadongne. Suba teked ditu, makauk-
an lantas I Bawang nagih ampakin jlanan, "Dadong, Dadong,
ampakin icang jlanan!" " "Nyen ento kauk-kauk?"
"Icang I Bawang".
"Ngenken I Bawang mai, kema magedi, nyen payu bakat agel
tendasne aji batu panyakcakan", keto abet dadongne. Buin kone
I Bawang makaukan, "Kesuna, Kesuna, dong ampakin ja oke
jlanan!"
"Nyen ento, I Bawang, nyai awak sayanganga teken i meme,
sing kema anake mulih, jumah temokang kasukane padidian. Nyai
- 60 -
