Kaca:Kembang Rampe Kasusastran Bali Purwa Buku 1.pdf/62

Saking Wikisource
Kaca puniki kavalidasi

Crukcuk kuning. Tagih idiha kone lantas bungkungne akatih teken

I Bawang, "Kesuna, Kesuna, oke ngidih ja bungkunge akatih ane

di lek".

Masaut lantas I Kesuna, "Nyen ne nagih ngidih bungkung,

ane nagih nomplok tendas okene aji pabungbungan. Da buin ane

di lek, ane di kacing ko oke tuara lega", keto abet I Kesunane,

mulih lantas I Bawang morahan teken memenne, "Meme, Meme,

I Kesuna anak sig i dadonge nongos. Icang ukana ngidih api i

tunian kema, dapetang icang lantas I Kesuna ditu negak di ampike.

Bih panganggonne icang ngon gati, makejang mas, blengker mas,

bebadong mas, gelang makejang mas. Bungkungne bin ngreok di

jrijinne pakenyinyit socanne. Icang idihang ja bungkung akatih teken

I Kesuna Meme!"

"To dija kone bakatanga keto", keto pasaut memenne.

"Ditu di bete, anak Crukcuk kuning kone ngotolin ibanne,

mara gotola tendasne. jeg mesu kone blengker mas, gotola baong-

ne mesu kone bebadong mas. Lengenne, pagelangan limanne,

bangkiangne, gotola makejang pesu panganggo mas. Jabin gelang

batisne dogen not icang slaka. Kema Meme, idihang icang bungkung

teken I Kesuna!"

"Nah dong jalan bareng kema", keto abet memenne lantas

majalan ia ajaka dadua. Kacrita suba kone neked ditu, mara ajin-

anga I Kesuna nganggo mas-masan teken miemenne, prejanian kone

I Kesuna ngae ngelen-elen.

Ngomong lantas memenne, "Cening Kesuna, ne dija cening

maan kekene. Baang ja adine ngidih bungkunge akatih!"

Masaut I Kesuna, "Nyen ne nagih ngidiang bungkung I Ba-

wang, ane nagih nomplok tendas aji blida. Ane engkenan tundena

ngidihang, ane di lek. Da buin ane di lek, ane di kacing tagih

idiha icang tuara lega".

"Dong, Kesuna, baang ja adine ngidih akatih, sing pedalem

adine kene ngeling. Sing inget keto nyai manyama".

Masaut I Kesuna,"Ye, icang manyama ajak I Bawang. Lamun

keto I Bawang ubuhan ia masih patuh buka icange. Icang anak

ubuhan". keto abetne I Kesuna nglinyem lantas memenne mulih

ajaka I Bawang. Suba kone teked jumahne, ngomong lantas I Ba-

wang, "Meme, Meme, icang tigtig ja caraang I Kesuna, apang

icang maan panganggo mas-masan buka I Kesunane". Nyak lantas

memenne nigtig lantas nyemak saang kandikan, laut tigtiga I Bawang.


-59 -