tur I Gagak petak tan ja kanggen napi-napi, sakewanten ubuhin
Ida, tur linggih-linggihin Ida.
Critaang di subane I Bintang Lara budal uli purian, malih
Ida Anake Agung ngandika teken parekane, "Parekan parekan,
kenken jani baan nayanang I Bintang Lara apang ia mati, apang
bakatang gelah kurenanne.
"Inggih Ratu Dewa Agung, titiang tan pisan uning ring pidabdab punika, ledang pakayunan Cokor 1 Dewa".
"Nah yen keto, kema jani alih I Bintang Lara tunden mai jani!"
"Inggih titiang ngiring", tur lantas majalan.
Suba neked di purian, kandikain, I Bintang Lara, "Nah cai
Bintang Lara, kema jani ngalih tabuan ane misi inana aba mai!"
"Inggih", keto aturne I Bintang Lara, lantas ia mapamit.
Tan crita di jalan, teked jumahne lantas ngeling. Matakon Ni
Supraba, "Yeh Bintang Lara, kenapa dadi ngeling?" Masaut I Bintang
Lara nuturang saunduk - undukne.
"Yeh yen keto, da keweh, ento jemak riyuhe abungkul!"
Lantas nyemak kone ia nyuh abungkul, tur tengtenga kone teken
I Bintang Lara, ento pastuna teken Ni Supraba, "Nah iba nyuh,
yen suba neked di purian, moga apang dadi tabuan ngebekin puri!"
Nah di subane I Bintang Lara neked di purian, katurang
nyuhe ento.Sajaan nyuhe ento lantas dadi tabuan tur inanne ngebek-
in purian, ditu lantas keweh Anake Agung, tur gelur-gelur ngaukin
I Bintang Lara, "Bintang Lara, Bintang Lara, gediang tabuane,
nira takut!" Gedianga lantas tabuane teken I Bintang Lara. Di
subane ilang tabuane, buin I Bintang Lara kandikaang ngalih lelipi,
apanga ngajak panak tetelu, tur gedenne apang lamun ketungane,
tur apang tegakina teken I Bintang Lara. Dening keto sedih kone
buin I Bintang Lara, tur katakonin baan Ni Supraba, "Kenken dadi
ngeling dogen, Adi?"
Masaut I Bintang Lara, "Titiang kapangandikaang ngalih lelipi,
lamun ketungane gedenne, tur apang ngajak panak tetelu".
"Nah yen keto, da Adi ngeling, ento ketungane tegakin isi-
nin lu tetelu!", keto pangandikan dedari Supraba. Lantas tegakina
kone ketungane, tur pastuna teken Ni Supraba, "Nah iba ketungan,
moga iba dadi lelipi!" Lantas ketungane dadi lelipi.
Tan crita suba neked di puri, katurang lantas teken Ida Anake
Agung, "Inggih Ratu Dewa Anak Agung, puniki lelipi". Mara ka-
- 154 -