18. I B R A K A H
Kacrita di tengah alase ada dukuh luh ngubu. I Dukuh sai- sai geginanne ka tengah alase ngalih saang, tur adepa ka negara. Sedek dina anu, ia ngalih saang ka tengah alase. Makelo ia ngalih saang, nget ia ngasen bedak. Lantas ia mileh ngalih - alihin yeh, masih ia tusing nepukin tukad. Makelo-kelo lantas ia nepukin clebongkakan misi yeh abedik. Baan sanget bedakne ia tusing ngitun- gang yeh puek muah ning. Nget yehe ento inema. Sasubanne sanja lantas ia mulih.
Gelising crita, nget I Dukuh beling I Dukuh kendel pesan kenehne. Kasuen-suen suba tutug ulanan anake cerik, lantas anake lekad. Anake cerik tusing ja magoba jlema. nanging magoba alu. Anake cerik mrasa lek baane magoba alu, lantas ia macebur ka tlagane. I Dukuh lantas ngeling ngarod-arod sambilanga masesambat- an, "Inggih Cening, nguda Cening las pesan ngalahin Meme. Jet ja Cening magoba alu, keneh Memene tusing ja kenken. Keneh Meme- ne tresna pesan teken Cening. Jet ja Cening magoba alu, tusing ja Meme ngewehang buat entone. Jani yen Cening tresna mameme teken Meme, enahang ragan Ceninge!" Makelo kelo ia masesambatan, lantas alune ngenah. I Dukuh ngenggalang nyemak, tur abana ka balene. Alune sai-sai kapretenin, cara mretenin anak cerik pusuh.
I Alu ngomong teken memenne, "Meme jani adanin tiang I Brakah !" Memenne turut teken sapamunyin panakne.
Kacrita I Brakah suba matuuh pitung dina, lantas ia ngomong teken memenne, "Meme, kema beliang tiang tambah cerik abesik, tiang lakar mlajah mabian!"
Memenne masaut, "Da suba Cening mabian, apa Cening kuang- an, orahang dogen teken meme!" I Brakah lantas ngeling maguyang, mara tusing baanga mabian. Krana I Brakah tusing dadi tungkul- ang, lantas memenne ngenggalang ka desa meli tambah abesik. I Brakah ngawitin numbeg tongosne mamula tabu, bligo, muah soroh jukut-jukutan.
Gelising crita, suba bligo muah tabune mabuah nged, tur gede-gede pesan. Sabilang semengan I Dukuh ka peken ngadep jukut-jukutan. Makelo-kelo makejang anake di negara pada ningeh orta, yen I Dukuh ngelah pianak alu.
-99 -
